ఒడిశాలోని 49 మంది ఎన్డీఆర్ఎఫ్ సిబ్బందికి కరోనా వైరస్ సోకింది. వీరందరూ అంపన్ తుపాను నేపథ్యంలో బంగాల్లో విధులు నిర్వర్తించి ఇటీవలే ఒడిశాకు వచ్చారు. వీరు కటక్లోని ముండాలి ప్రాంతానికి చెందిన ఎన్డీఆర్ఎఫ్ 3వ బెటాలియన్ సభ్యులని తెలుస్తోంది.
అంపన్ తుపాను నేపథ్యంలో పునరుద్ధరణ చర్యలు చేపట్టడానికి బంగాల్ వెళ్లిన 173 సభ్యుల బృందంలో ఈ 49మంది జవాన్లు ఉన్నారు. ఈ నెల 3న వీరు ఒడిశాకు తిరిగొచ్చారు.
దేశంలో కరోనా తీవ్రత పెరుగుతూనే ఉంది. మరణాల సంఖ్య 7 వేల 466కు చేరింది. గడిచిన 24 గంటల్లో రికార్డు స్థాయిలో 9,987 కొత్త కేసులు నమోదయ్యాయి. మరో 266 మంది ప్రాణాలు కోల్పోయారు.
