దిల్లీ నిజాముద్దీన్లో జరిగిన తబ్లీగీ జమాతే వల్ల దేశంలో కరోనా వేగంగా విస్తరించిందని తెలిపింది కేంద్ర ఆరోగ్య శాఖ. మర్కజ్ సమావేశాల వల్ల 17 రాష్ట్రాలపై వైరస్ ప్రభావం పడిందని పేర్కొంది . దేశంలో నమోదైన కేసుల్లో 30 శాతం తబ్లీగీతో సంబంధమున్నవేనని విశదీకరించింది. తబ్లీగీ కారణంగా వైరస్ బాధితులుగా తేలినవారి సంఖ్య ఇప్పటివరకు 1023 గా ఉందని స్పష్టం చేసింది.
ఆ రాష్ట్రాల్లో జల్లెడ..
దిల్లీ మర్కజ్లో పాల్గొన్నవారి కోసం 17 రాష్ట్రాల్లో అధికారులు గాలిస్తున్నట్లు తెలిపింది హోంశాఖ. కాంటాక్టు ట్రేసింగ్ల కోసం కృషి చేస్తున్నట్లు స్పష్టం చేసింది. మర్కజ్కు హాజరైన, వారితో సన్నిహితంగా మెలిగిన 22,000 మందిని నిర్బంధ కేంద్రాల్లో ఉంచినట్లు వెల్లడించింది.
ఇదీ జరిగింది..
దిల్లీ హజ్రత్ నిజాముద్దీన్ ప్రాంతం మర్కజ్ భవనంలో జనతా కర్ఫ్యూనకు ముందు 'తబ్లీగ్-ఎ-జమాత్' పేరుతో కొద్ది రోజుల పాటు మత ప్రార్థనలు జరిగాయి. 23వ తేదీన 1500మంది స్వస్థలాలకు వెళ్లిపోయారు. మరో 1000మంది మర్కజ్లో ఉండిపోయారు. అయితే ఈ ప్రార్థనల్లో పాల్గొన్నవారిలో పదులసంఖ్యలో వైరస్ కారణంగా ప్రాణాలు కోల్పోయారు. పలువురికి వైరస్ సోకినట్లు నిర్ధరణ అయింది. ఈ నేపథ్యంలో దేశంలో వ్యాధి వ్యాప్తిని అరికట్టేందుకు మర్కజ్లో పాల్గొన్నవారిని నిర్బంధించి పరీక్షలు నిర్వహిస్తున్నారు అధికారులు. మిగతా వారి కోసం గాలిస్తున్నారు.
ఇదీ జరిగింది: 'వైరస్ పరీక్షలు పెరిగితేనే లాక్డౌన్తో ప్రయోజనం'
