102 ఏళ్ల వయసులో మళ్లీ సిద్ధం

హిమాచల్​ప్రదేశ్​కు చెందిన 102 ఏళ్ల శ్యాం నేగి దేశంలోనే అత్యధిక వయస్కుడైన ఓటరుగా రికార్డు నమోదు చేశారు. మరోసారి ఓటు హక్కు వినియోగించుకునేందుకు సిద్ధమయ్యారు.

దేశంలో 18 ఏళ్లకే ఓటు వేయటానికి అవకాశం ఉంది. అయినా చాలా మంది ఓటు హక్కును వినియోగించుకోరు. పోలింగ్​ శాతం పెంచేందుకు ఎన్నో చర్యలు చేపడుతోంది ఎన్నికల సంఘం. ఎక్కడికక్కడ అవగాహన కార్యక్రమాలు నిర్వహిస్తోంది.

ఓటు విలువను తెలియచెప్పేందుకు తిరుగులేని ఉదాహరణగా నిలిచారు మాజీ ఉపాధ్యాయుడు శ్యాం నేగి. వయసు 102. స్వస్థలం హిమాచల్​ ప్రదేశ్​ కిన్నౌర్​ జిల్లా కల్పా. స్వాతంత్ర్యం వచ్చాక 1951లో జరిగిన తొలి లోక్​సభ ఎన్నికల్లో ఓటేశారు శ్యాం. ఆ తర్వాత జరిగిన ప్రతి ఎన్నికల్లోనూ తన తీర్పును బ్యాలెట్​లో, ఈవీఎంలో నిక్షిప్తం చేశారు.

హిమాచల్​ ప్రదేశ్​లో మే 19న లోక్​సభ ఎన్నికలు. మరోమారు ఓటేసేందుకు సిద్ధమయ్యారు శ్యాం నేగి.

102 ఏళ్ల వయస్సులో మరోసారి ఓటు హక్కు వినియోగించుకోవటం చాలా సంతోషంగా ఉంది. - శ్యాం నేగి