దేశంలో ఏటా రోడ్డు ప్రమాదాల కారణంగా 1.5 లక్షల మంది ప్రాణాలు కోల్పోతున్నారని కేంద్ర రోడ్డు రవాణా, రహదారులశాఖ మంత్రి నితిన్ గడ్కరీ తెలిపారు. సంవత్సరానికి దాదాపు 5 లక్షల రోడ్డు ప్రమాదాలు జరుగుతున్నట్లు ఆయన వెల్లడించారు.
నాగ్పుర్లో జరిగిన రోడ్డు భద్రతా వారోత్సావ ప్రారంభ కార్యక్రమంలో ఆయన ఈ విషయాలు వెల్లడించారు. రోడ్డు వారోత్సవాలు జనవరి 17న ముగియనున్నాయి.
"దేశంలో ప్రతి ఏటా 5 లక్షల రోడ్డు ప్రమాదాలు జరుగుతున్నాయి. వాటి కారణంగా 1.5 లక్షల మంది ప్రాణాలు కోల్పోతున్నారు. దాదాపు 2.5 నుంచి 3 లక్షల మంది గాయాలపాలవుతున్నారు. ఫలితంగా జీడీపీ 2 శాతం ప్రభావితమవుతోంది. రోడ్డు ప్రమాదాల్లో మరణించే వారిలో 62 శాతం మంది 18 నుంచి 35 ఏళ్ల మధ్య వయస్సున్న వాళ్లే."
- నితిన్ గడ్కరీ, కేంద్రమంత్రి, రోడ్డు రవాణా, రహదారులశాఖ
రోడ్డు ప్రమాదాలను నివారించేందుకు ఎన్ని చర్యలు తీసుకున్నా వాటిని తగ్గించలేకపోయామని గడ్కరీ చెప్పుకొచ్చారు.
తమిళనాడులో రోడ్డు ప్రమాదాలను 30 శాతం నుంచి 29 శాతానికి తగ్గించడం అభినందనీయమన్నారు.
ట్రాఫిక్ నిబంధనల పట్ల అవగాహన, నిబద్ధతతో పాటు పోలీసులు, ఆర్టీవోలు, ఎన్జీఓల సంయుక్త కృషితో రోడ్డు ప్రమాదాలను నివారించొచ్చని ఆయన అభిప్రాయపడ్డారు.
ఇదీ చూడండి:రసాయన కర్మాగారంలో అగ్ని ప్రమాదం.. 8 మంది దుర్మరణం
