Bengaluru traffic police: కర్ణాటక ప్రభుత్వం ట్రాఫిక్ పోలీసుల దురుసు ప్రవర్తనపై ఎన్ని చర్యలు తీసుకున్నా.. ఏదో ఒక చోట అలాంటి సంఘటనలు వెలుగుచూస్తూనే ఉన్నాయి. తాజాగా రాష్ట్ర రాజధాని బెంగళూరులో ఓ యువకుడితో ట్రాఫిక్ పోలీసు దురుసుగా ప్రవస్తించిన వీడియో వెలుగులోకి వచ్చింది. ట్రాఫిక్ ఎస్సై యువకుడిని బెదిరిస్తున్న ఈ వీడియో సోషల్ మీడియాలో వైరల్గా మారింది. ట్రాఫిక్ నిబంధనల ఉల్లంఘనల పేరిట.. తన బండిని తీసుకెళ్తున్న వాహనం వెంట ఓ యువకుడు పరుగెడుతున్న దృశ్యాలు ఆ వీడియోలో కనిపిస్తున్నాయి.
ఇదీ జరిగింది..
చంద్రశేఖర్ అనే ట్రాఫిక్ ఎస్సై ఓ యువకుడికి 2,500 జరిమానా విధించారు. తన వద్ద ప్రస్తుతం నగదు లేదని.. వేతనం వచ్చాక కోర్టులో చెల్లిస్తానని చెప్పాడు బాధిత యువకుడు. దీంతో ఆగ్రహించిన పోలీసు అధికారి.. ఆ యువకుడిపై దాడి చేశారు. శిరస్త్రాణం తీసి పడేశాడు. వెంటనే 1,000 రూపాయలు చెల్లించాలని ఆదేశించాడు. దీనిని ప్రశ్నించగా దాడి చేశాడు. ఈ క్రమంలో యువకుడి మెడపై గాయమైంది. వాహనం విడుదల కోసం వచ్చినప్పుడు అంతు చూస్తానని.. తనని జీవితాంతం గుర్తు పెట్టుకుంటానంటూ యువకుడిని బెదిరించిన దృశ్యాలు వీడియోలో నమోదయ్యాయి.
ఇదీ చదవండి: మహిళ ఘాతుకం- ఐదుగురిని చంపి.. అంత్యక్రియల్లో పాల్గొని..
