Bangladeshi Woman Arrested: 12 ఏళ్ల వయసులోనే బంగ్లాదేశ్ బోర్డర్ దాటింది. భారత్లోకి ప్రవేశించింది. రోనీ బేగమ్ నుంచి పాయల్ ఘోష్గా పేరు మార్చుకుంది. బార్లలో, పబ్ల్లో డ్యాన్సర్గా జీవనం ప్రారంభించింది. హిందువునని చెప్పుకుంటూ 15 ఏళ్లుగా భారత్లో నివాసం ఉంటోంది. ఈ క్రమంలో మరోసారి బంగ్లాదేశ్కు వెళ్లేందుకు ప్రయత్నించింది. ఎట్టకేలకు పోలీసులకు చిక్కింది.
"రోనీ 12 ఏళ్ల వయసులోనే బంగ్లాదేశ్ నుంచి అక్రమంగా భారత్కు వచ్చింది. మంగళూరుకు చెందిన డెలివరీ ఎగ్జిక్యూటివ్ నితిన్కుమార్ను ప్రేమించి వివాహమాడింది. పెళ్లి తర్వాత బెంగళూరులోని అంజనానగర్లో దంపతులు నివాసం ఉంటున్నారు. మూడేళ్లపాటు గాలించిన తర్వాత రోనీ ఆచూకీ ఆచూకీ లభించింది." అని పోలీసులు తెలిపారు.
అలా పోలీసులకు చిక్కి..
రోనీ.. తన తండ్రి అంత్యక్రియల్లో పాల్గొనేందుకు బంగ్లాదేశ్ వెళ్లాలని నిశ్చయించుకుంది. కోల్కతా వెళ్లింది. అక్కడినుంచి ఢాకా వెళ్లాలని ప్లాన్ వేసింది. అయితే ఇమ్మిగ్రేషన్ డిపార్టెమెంట్కు అందించిన ధ్రువపత్రాలపై అధికారులకు అనుమానం వచ్చింది. విచారణ అనంతరం.. రోనీ అక్రమంగా భారత్లోకి వచ్చినట్లు తేలింది.
అప్పటికే రోనీ బెంగళూరు చేరుకోగా.. ఇమ్మిగ్రేషన్ అధికారులు స్థానిక పోలీస్ కమిషనర్కు సమాచారం ఇచ్చారు. దీంతో బ్యాదరహళ్లి స్టేషన్ పోలీసులు కేసు నమోదు చేశారు. అనంతరం ఆమెను అరెస్ట్ చేశారు. రోనీకి పాన్ కార్డు, ఆధార్ కార్డు, ఓటర్ కార్డు లభించేందుకు సాయపడిన వారి కోసం గాలిస్తున్నామని బెంగళూరు వెస్ట్ డీసీపీ సంజీవ్ పాటిల్ తెలిపారు. అయితే రోనీ భర్త నితిన్ కుమార్ కూడా పరారీలో ఉన్నాడని వివరించారు.
ఎల్టీటీఈ ఉద్యమం కోసం..
ఎల్టీటీఈ ఉద్యమం కోసం విరాళాలు సేకరిస్తున్న ఓ మహిళను తమిళనాడు పోలీసులు అరెస్ట్ చేశారు. శ్రీలంకకు చెందిన మేరీ ఫ్రాన్సిస్కోగా (40) గుర్తించారు పోలీసులు. మేరీ ముంబయి వెళ్లేందుకు యత్నిస్తుండగా.. చెన్నై ఎయిర్పోర్టులో అరెస్ట్ చేసినట్లు తెలిపారు పోలీసులు.
భారత్, కెనడా, సింగపూర్, మలేసియా దేశాల్లో అక్రమ పత్రాలు సృష్టించి విరాళాలు వసూలు చేస్తున్నట్లు విచారణలో తేలిందన్నారు.
సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!
ఇదీ చూడండి: దేశంలో తగ్గిన కేసులు.. భారీగా పెరిగిన మరణాలు
