చెన్నైలో భారీ ఉగ్రకుట్రను భగ్నం చేసింది జాతీయ దర్యాప్తు బృందం(ఎన్ఐఏ). చెన్నై విభాగం ఎన్ఐఏ అధికారులు ఇచ్చిన సమాచారం మేరకు.. బంగ్లాదేశ్ పారిపోతున్న ఉగ్రవాదిని బంగాల్లోని ఉత్తర 24పరగణాలు జిల్లాలో బీఎస్ఎఫ్ జవాన్లు శనివారం అరెస్టు చేశారు.
ఎనిమిదేళ్ల నుంచి..
బంగ్లాదేశ్లోని నగావ్ పుర్బాపుర్కు చెందిన ఉగ్రవాది బిశ్వాస్(26).. ఎనిమిదేళ్ల క్రితం భారత్లోకి అక్రమంగా ప్రవేశించాడు. చెన్నైలో తలదాచుకున్నాడు. స్థానికంగా ఉన్న హిజబ్ ఉట్ తాహేర్ అనే తిరుగుబాటు దళంతో చేతులు కలిపిన బిశ్వాస్.. చెన్నైలోని ఓ ఆలయంలో దాడులు చేసేందుకు ప్రణాళిక రచించారు.
అయితే జాతీయ దర్యాప్తు బృందం స్థానిక యంత్రాంగాన్ని అప్రమత్తం చేయటంతో బిశ్వాస్.. బంగ్లాదేశ్ పారిపోయే క్రమంలో బీఎస్ఎఫ్ అధికారులకు చిక్కాడు.
ఉగ్రవాదిని అరెస్ట్ చేసిన అధికారులు.. బంగాల్లోని బసిర్హాత్ స్టేషన్ పోలీసులకు అప్పగించారు.
ఇదీ చదవండి: భార్య జననాంగాన్ని కుట్టేసిన భర్త
