దీపోత్సవం సందర్భంగా అయోధ్య నగరం సరికొత్త శోభను సంతరించుకుంది. దాదాపు 9లక్షలు దీపాలు వెలిగించి గిన్నిస్ బుక్ రికార్డ్స్లో చోటుసాధించింది ఉత్తర్ప్రదేశ్ ప్రభుత్వం.
" దీపోత్సవంలో భాగంగా మేము ఈ రోజు దాదాపు 9లక్షల దీపాలను వెలిగించాం. ఈ దీపోత్సవం సందర్భంగా ప్రతిఒక్కరికి నేను శుభాకాంక్షలు తెలుపుతున్నా."
-- యోగి ఆదిత్యనాథ్, యూపీ సీఎం
అయోధ్య సరయూ నదీతీరంలోని రామ్‌కీ పౌడీ ఘాట్‌లో ఈ కార్యక్రమంలో జరిగింది. ఈ దీపోత్సవం కార్యక్రమాన్ని ఉత్తర్ప్రదేశ్ ప్రభుత్వం, రామ్ మనోహర్ లోహియా అవధ్ యూనివర్సిటీ సంయుక్తంగా నిర్వహించాయి.
గతేడాది దీపావళి సమయంలోనూ 5,84,572 దీపాలను వెలిగించి గిన్నిస్ రికార్డు నెలకొల్పింది యూపీ ప్రభుత్వం. ఇప్పుడు ఆ రికార్డును తిరగరాసింది.
ఇదీ చూడండి: దీపావళి వేళ వెలుగులీనుతున్న అక్షర్ధామ్ ఆలయం
