కేరళ కొట్టాయం జిల్లాలోని అయమానమ్ నమూనా బాధ్యతాయుత గ్రామీణ పర్యటక ప్రాజెక్టుకు ప్రతిష్ఠాత్మక వరల్డ్ ట్రావెల్ మార్కెట్ (డబ్ల్యూటీఎం) పర్యాటక పురస్కారం లభించింది. ఈ మేరకు లండన్‌లో జరిగిన ఓ కార్యక్రమంలో కేరళ టూరిజం డైరెక్టర్‌ కృష్ణతేజ అవార్డును అందుకున్నారు.
సీఎం పినరయి విజయన్.. అయమానమ్ను మోడల్ రెస్పాన్సిబుల్ టూరిజం గ్రామంగా ప్రకటించిన 14 నెలల తర్వాత ఈ ప్రాజెక్టుకు అంతర్జాతీయ గుర్తింపు లభించింది. స్థానిక ప్రజలు ఉపాధి, పర్యటక ప్రాంతాలు పర్యావరణ పరిరక్షణకు దోహదపడేలా సంస్కృతిని పెంపొందించింది. అంతేకాదు పర్యాటక మార్గదర్శకాలను పూర్తిగా అమలు చేస్తోంది. ఇందుకుగాను అయమానమ్ గ్రామం.. డబ్ల్యూటీఓ అవార్డును సొంతం చేసుకుంది.
కేరళ పర్యటక శాఖకు చెందిన బాధ్యతాయుత పర్యాటక కార్యక్రమం కింద 'అయమానమ్' ప్రాజెక్టు చేపట్టారు. కొవిడ్‌-19 ఉద్ధృతి కారణంగా గతేడాది తీవ్రంగా దెబ్బతిన్న కేరళ టూరిజం ఈ పురస్కారంతో పునరుజ్జీవం చెందుతుందని ఆ రాష్ట్ర పర్యటక శాఖ మంత్రి పీఏ మహమద్‌ రియాస్‌ ఆశాభావం వ్యక్తం చేశారు. పరిశ్రమ వీలైనంత త్వరగా గాడిలో పడాలని కోరుకుంటున్నట్లు స్పష్టంచేశారు.
ఇదీ చూడండి: 'మనం మరణించాకే పిల్లలకు ఆస్తి ఇవ్వాలి'
