Assam lynching case: ఓ నాలుగేళ్ల పిల్లాడిని హత్య చేశాడనే ఆగ్రహంతో మతిస్థిమితం సరిగా లేని వ్యక్తిపై మూకదాడి చేశారు గ్రామస్థులు. తీవ్రంగా కొట్టి చంపేశారు. ఆ తర్వాత మృతదేహాన్ని కాల్చేశారు. ఈ ఘటన అసోం దిబ్రుగఢ్ జిల్లా, రామారియా పోలీస్ స్టేషన్ పరిధిలోని ధలజన్ టీ ఎస్టేట్లో శనివారం ఈ ఘటన జరిగినట్లు పోలీసులు తెలిపారు.
ఇదీ జరిగింది..
సోనిత్ తంతి(35) అనే వ్యక్తికి మతిస్థిమితం సరిగా లేదు. ఊర్లో తిరుగుతూ ఉండేవాడు. ఇంటి ముందు ఆడుకుంటున్న నాలుగేళ్ల చిన్నారి ఉజ్వల్ మోరాను తీవ్రంగా కొట్టి.. గొంతు కోసి హత్య చేశాడు. ఈ విషయం అందరికీ తెలిసిన క్రమంలో ఆగ్రహానికి గురైన కొందరు స్థానికులు సోనిత్ను పట్టుకుని తీవ్రంగా కొట్టారు. దీంతో అతను చనిపోయాడు. ఆ తర్వాత అతని మతదేహాన్ని అదే ప్రాంతంలో కాల్చేశారు.
ఈ ఘటనతో గ్రామంలో ఉద్రిక్త పరిస్థితులు నెలకొన్నాయి. సమాచారం అందుకున్న రామారియా పోలీసులు సంఘటనా స్థలానికి చేరుకుని పరిస్థితిని అదుపులోకి తీసుకొచ్చారు. చిన్నారి కుటుంబ సభ్యుల ఫిర్యాదు మేరకు.. 302 సెక్షన్ ప్రకారం కేసు నమోదు చేసుకుని దర్యాప్తు చేపట్టారు. రెండు మృతదేహాలను పోస్ట్మార్టానికి తరలించారు.
ఇదీ చూడండి: బస్సులో మహిళపై అత్యాచారం.. పక్కా స్కెచ్తో!
