Modi Punjab visit : మరికొన్ని రోజుల్లో అసెంబ్లీ ఎన్నికలు జరగనున్న పంజాబ్లో ప్రధాని నరేంద్ర మోదీ.. బుధవారం పర్యటించనున్నారు. ఈ నేపథ్యంలో భారీ భద్రతా ఏర్పాట్లు చేశారు. దాదాపు 10 వేల మంది భద్రతా సిబ్బంది మోహరించినట్లు పంజాబ్ డీజీపీ జీ నాగేశ్వరరావు తెలిపారు. సరిహద్దు జిల్లా ఫిరోజ్పుర్ను ప్రధాని సందర్శించనున్న తరుణంలో యాంటీ డ్రోన్ బృందాన్ని కూడా మోహరించినట్లు వెల్లడించారు.
రెండేళ్ల తర్వాత పంజాబ్ పర్యటనకు వెళ్లనున్న మోదీ.. రూ.42,750 కోట్లు విలువైన ప్రాజెక్టులకు శంకుస్థాపన చేయనున్నారు. దీనిలో భాగం ఫిరోజ్పుర్లో దిల్లీ-అమృత్సర్-కత్రా ఎక్స్ప్రెస్వే, పీజీఎంఈఆర్ శాటిలైట్ సెంటర్, అమృత్సర్-ఉనా నాలుగు లేన్ల రహదారి, ముకేరియన్-తల్వారా బ్రాడ్ గేజ్ రైలు మార్గం, కపుర్తలా హోషియార్‌పుర్‌లో రెండు కొత్త వైద్య కళాశాలలకు శ్రీకారం చుట్టనున్నారు.
అయితే వివాదస్పదమైన మూడు సాగు చట్టాల రద్దు తర్వాత మోదీ.. పంజాబ్ పర్యటనకు వెళ్తున్నారు. ఈ నేపథ్యంలో కొన్ని రైతు సంఘాలు.. మోదీ పర్యటనను వ్యతిరేకిస్తున్నాయి. కనీస మద్దతు ధరకు(ఎంఎస్పీ) చట్టబద్ధత కల్పించాలని.. సాగుచట్టాలకు వ్యతిరేకం పోరాడిన రైతులపై నమోదు చేసిన పోలీసు కేసులు వెనక్కి తీసుకోవాలి డిమాండ్ చేస్తున్నాయి.
ఇదీ చూడండి: డ్రమ్స్ వాయిస్తూ ఉల్లాసంగా గడిపిన మోదీ
