జమ్ముకశ్మీర్ రంబన్లో 15 కార్ప్స్కు చెందిన ఆర్మీ హెలికాప్టర్ అత్యవసరంగా ల్యాండ్ అయింది. బుధవారం.. మన్సబల్ బందిపొరా నుంతి ఉధంపుర్కు వేళ్తున్న క్రమంలో ఉదయం 10.45 గంటలకు ఈ ఘటన జరిగింది. సాంకేతిక సమస్య కారణంగానే ఇలా చేయాల్సి వచ్చినట్లు తెలుస్తోంది.
హెలికాప్టర్లో మొత్తం ఎనిమిది మంది ప్రయాణిస్తున్నారని అధికారులు వెల్లడించారు. వీరిలో ఇద్దరు పైలట్లు, ఇద్దరు సాంకేతిక బృందంతో పాటు 4 ప్రయాణికులు ఉన్నారని తెలిపారు. అందరూ క్షేమంగానే ఉన్నారని స్పష్టం చేశారు. స్వల్ప సాంకేతిక సమస్య ఏర్పడిందని, అది పరిష్కారం కాగానే హెలికాప్టర్ యధావిధిగా గమ్యస్థానానికి చేరుకుందని చెప్పారు.
