వాజే కేసు: హోటల్​లో ఎన్​ఐఏ తనిఖీలు

అంబానీ ఇంటి వద్ద పేలుడు పదార్థాల కేసు దర్యాప్తులో భాగంగా ముంబయిలోని ఓ హోటల్​లో తనిఖీలు నిర్వహించారు ఎన్​ఐఏ అధికారులు. హోటల్​ సిబ్బంది సహా వినియోగదారులను బయటకు పంపి, సోదాలు చేసినట్లు తెలిపారు.

అంబానీ ఇంటి వద్ద పేలుడు పదార్థాల కేసుతో సంబంధాలు ఉన్నట్లు భావిస్తున్న దక్షిణ ముంబయిలోని ఓ హోటల్​ తనిఖీలు నిర్వహించారు ఎన్​ఐఏ అధికారులు.

బాబుల్​నాథ్ ఆలయానికి సమీపంలో ఉన్న సోని బిల్డింగ్​కు మధ్యాహ్నం 12.45 గంటలకు ఎన్​ఐఏ బృందం చేరుకుంది. ఆ హోటల్​లో బస చేస్తోన్న వినియోగదారులు సహా సిబ్బందిని ఖాళీ చేయించి తనిఖీలు నిర్వహించినట్లు అధికారులు పేర్కొన్నారు.

ఈ కేసుకు సంబంధించి దర్యాప్తులో భాగంగా సచిన్ వాజేను ఇటీవల బాబుల్​నాథ్​ ప్రాంతానికి తీసుకువచ్చింది ఎన్​ఐఏ.

ఇదీ చూడండి: డబ్బుల కట్టలతో హోటల్​కు వాజే.. వీడియో కలకలం!