UAV Crash in Jaisalmer: రాజస్థాన్ జైసల్మేర్లో మానవ రహిత విమానం ప్రమాదానికి గురైంది. గాల్లోకి ఎగిరిన విమానం అకస్మాత్తుగా నేలపై కూలిపోయింది. జైసల్మేర్లోని షాహీద్ సగర్మల్ గోపా కాలనీకి సమీపంలో ఈ ఘటన జరిగింది. అయితే.. ఆ కాలనీల్లో ఎవరూ నివసించట్లేదు. దీంతో ప్రమాదం తప్పింది. ఎవరికీ ఏ గాయాలు కాలేదు.
రిమోట్ ఆధారంగా పనిచేసే మానవ రహిత విమానం(యూఏవీ).. డ్రోన్ కంటే కొంచెం పెద్ద సైజులో ఉంటుంది. ఈ నిఘా విమానం ద్వారా పరిసర ప్రాంతాల్లో ఎయిర్ఫోర్స్ నిఘా పెడుతుంది. విమానంలో సాంకేతిక సమస్య కారణంగా ఈ ప్రమాదం జరిగినట్లు తెలుస్తోంది. ఈ ఘటనపై అధికారులు దర్యాప్తు చేపట్టారు.
ఇదీ చదవండి: శ్రీనగర్లో కశ్మీర్ పండిట్పై ముష్కరుల కాల్పులు
