రోజుకు 40 కిలోమీటర్ల చొప్పున.. 2024 నాటికి 60వేల కిలోమీటర్ల ప్రపంచ స్థాయి జాతీయ రహదారులను నిర్మించడమే తమ లక్ష్యమని కేంద్ర ఉపరితల రవాణా, రహదారుల శాఖ మంత్రి నితిన్ గడ్కరీ వెల్లడించారు. 'భారత్లో రోడ్ల అభివృద్ధి'పై ఏర్పాటు చేసిన 16వ వార్షిక సదస్సులో ఈ వ్యాఖ్యలు చేశారు.
"ప్రపంచంలోనే రెండో అతిపెద్ద రోడ్డు నెట్వర్క్(63లక్షల కిలోమీటర్లు) భారత్లో ఉంది. భారత ఆర్థికాభివృద్ధిలో రోడ్లు, మౌలికవసతులు కీలక పాత్ర పోషిస్తాయి. నేషనల్ ఇన్ఫ్రాస్ట్రక్చర్ పైప్లైన్ పేరుతో మౌలిక వసతుల అభివృద్ధికి ప్రభుత్వం 1.4ట్రిలియన్ డాలర్లు(రూ. 111 లక్షల కోట్లు) పెట్టుబడి పెడుతోంది."
- నితిన్ గడ్కరీ, రోడ్డు రవాణాశాఖ మంత్రి.
మౌలికవసతుల అభివృద్ధికి ప్రభుత్వం వెచ్చిస్తున్న ఖర్చును ఏడాదిలో 34శాతం పెంచినట్లు స్పష్టం చేశారు నితిన్.
ఇదీ చూడండి:- రహదారుల నిర్మాణంలో సవాళ్లెన్నో!
