దేశంలో కొవిడ్ కల్లోలం కొనసాగుతోంది. రోజువారీ కేసులు రికార్డు స్థాయిలో నమోదవుతున్నాయి. మహారాష్ట్రలో శనివారం ఒక్కరోజే 67,160 మందికి పాజిటివ్గా నిర్ధరణ అయింది. కరోనాతో మరో 676 మంది మరణించారు. ఒక్క ముంబయి నగరంలోనే.. 5,888 మందికి కరోనా సోకినట్లు తేలింది. కొవిడ్ కారణంగా మహానగరంలో మరో 71 మంది మరణించారు. నాగ్పుర్ జిల్లాలో 7,999 మందికి కరోనా సోకగా.. వైరస్ దాటికి మరో 82 మంది ప్రాణాలు కోల్పోయారు.
మిగతా రాష్ట్రాల్లో కేసులు ఇలా..
- ఉత్తర్ప్రదేశ్లో వైరస్ పంజా విసురుతోంది. శనివారం ఒక్కరోజే రికార్డు స్థాయిలో 38,055 కరోనా కేసులు నమోదయ్యాయి. కొవిడ్ ధాటికి మరో 223 మంది మరణించారు.
- కేరళలో కరోనా ఉద్ధృతి కొనసాగుతోంది. శనివారం ఒక్కరోజే 26,685 కేసులు నమోదయ్యాయి. వైరస్ కారణంగా 25 మంది బలయ్యారు.
- గుజరాత్లో రికార్డు స్థాయిలో ఒక్కరోజే 14,097 కేసులు నమోదయ్యాయి. మరో 152 మంది వైరస్తో మరణించారు.
- కర్ణాటకలో కొవిడ్ పంజా విసురుతోంది. ఒక్కరోజే రికార్డు స్థాయిలో 29,438 మందికి వైరస్ నిర్ధరణ అయింది. వైరస్ కారణంగా మరో 208 మంది బలయ్యారు.
- తమిళనాడులో కొత్తగా 14,842 మందికి వైరస్ పాజిటివ్గా నిర్ధరణ అయింది. మరో 80 మంది ప్రాణాలు కోల్పోయారు.
- రాజస్థాన్లో కొత్తగా 15,355 మందికి వైరస్ సోకింది. కొవిడ్తో మరో 74 మంది మరణించారు.
- మధ్యప్రదేశ్లో శనివారం ఒక్కరోజే 12,918 కరోనా కేసులు నమోదయ్యాయి. వైరస్తో మరో 104 మంది ప్రాణాలు కోల్పోయారు.
ఇదీ చూడండి: భారత్ చేరుకున్న నాలుగు క్రయోజెనిక్‌ ఆక్సిజన్‌ ట్యాంకర్లు
ఇదీ చూడండి: వైరల్: కొవిడ్ వార్డులో గిటార్తో స్ఫూర్తి 'గీతం'
