అత్యాచారానికి యత్నించిన కామాంధుడ్ని చితకబాది, ఓ యువతిని రక్షించారు ఇద్దరు ట్రాన్స్జెండర్లు. నిందితుడ్ని పోలీసులకు పట్టించారు. ఈ ఘటన బెంగళూరులో జరిగింది.
బంగాల్కు చెందిన ఓ యువతి.. ఉద్యోగం వెతుక్కుంటూ బెంగళూరు వచ్చింది. నగరంలోని ఓ చోట గది అద్దెకు తీసుకుని ఉంటోంది. బంగాల్కు చెందిన మసూరల్ షేక్.. ఆ యువతి ఒంటరిగా ఉంటోందని గుర్తించాడు. కొద్దిరోజులుగా ఆమె ఇంటి చుట్టూ తిరుగుతున్నాడు. ఈనెల 2న ఉదయం 4 గంటలకు ఆ యువతి ఇంటికెళ్లి తలుపు కొట్టాడు. తలుపు తెరిచేలోగా ఆమెను పట్టుకుని, అత్యాచారం చేయబోయాడు. యువతిని లోపలకు తోసి, డోర్ వేసేశాడు. వదిలేయమని ఎంత ప్రాధేయపడినా అతడు మాట వినలేదు.
అదే ఇంట్లో పై అంతస్తులో ట్రాన్స్జెండర్లు అయిన మహీరా సింగ్, ఆమె స్నేహితురాలు నివసిస్తున్నారు. బాధితురాలి కేకలు విని వారు పరుగెత్తుకుంటూ కిందకు వచ్చారు. తలుపు బద్దలుకొట్టి లోపలకు వెళ్లారు. అఘాయిత్యం చేయబోతున్న మసూరల్ షేక్ను ఇద్దరూ కలిసి చితకబాదారు. నిందితుడ్ని పట్టుకుని పోలీసులకు అప్పగించారు. అతడిపై పోలీసులు కేసు నమోదు చేసి, రిమాండ్కు తరలించారు. యువతిని కాపాడిన మహీర, ఆమె స్నేహితురాలిపై స్థానికులు ప్రశంసల వర్షం కురిపించారు.
ఇదీ చదవండి: బాలుడిని నదిలోకి లాక్కెళ్లిన మొసలికి ఎక్స్రే.. రిపోర్ట్స్ చూస్తే...
