ట్రాక్టర్ ప్రమాదంలో మరణించిన చిన్నారి తనవల్లే మృతిచెందాడన్న కుంగుబాటుతో మైసూర్ విశ్వవిద్యాలయంలో పీహెచ్డీ చేస్తున్న సునీల్ (23) అనే విద్యార్థి బలవన్మరణానికి పాల్పడ్డాడు. కర్ణాటక చామరాజనగర జిల్లాలో వెలుగుచూసిన ఈ ఘటనతో ఇరు కుటుంబాల్లో విషాద ఛాయలు అలముకున్నాయి.
ఇదీ జరిగింది..
జిల్లాలోని గుండ్లుపేటే తాలూకా సవకనహళ్లి పల్య గ్రామంలో నిర్వహించబోయే క్రికెట్ టోర్నమెంట్ కోసం ట్రాక్టర్తో మైదానాన్ని చదును చేస్తున్నాడు సునీల్. ఆ సమయంలో పక్కనే ఆడుకుంటున్న హర్ష అనే చిన్నారికి పొరపాటున ట్రాక్టర్ తగిలింది. తీవ్ర గాయాలపాలైన చిన్నారిని గుండ్లుపేటే ఆసుపత్రికి తరలించినప్పటికీ ఫలితం లేకపోయింది.
ఈ ఘటన అనంతరం సునీల్ తిరిగి మైసూర్ వెళ్లాడు. అయితే.. చిన్నారి మరణవార్త విని పశ్చాత్తాపంతో తన గదిలో విషం సేవించి ఆత్మహత్యకు పాల్పడ్డాడు. ఈ విషాద సంఘటనకు సంబంధించి ఏ పోలీస్ స్టేషన్‌లోనూ కేసు నమోదు కాకపోవడం గమనార్హం.
ఇవీ చదవండి:
