ఓ 9 నెలల పసికందు ప్రాణాలను దిల్లీ వైద్యులు కాపాడారు. కాలేయ మార్పిడి శస్త్రచికిత్సను విజయవంతంగా పూర్తి చేశారు.
ఛాలెంజ్గా స్వీకరించి..
కాలేయ వ్యాధితో బాధపడుతున్న ఇరాక్కు చెందిన 9 నెలల చిన్నారి హమద్కు జనవరి 3న కాలేయ మార్పిడి శస్త్రచికిత్స నిర్వహించారు. అంత చిన్న వయస్సువారికి ఈ తరహా శస్త్రచికిత్స నిర్వహించడం అత్యంత క్లిష్టమైన పని. కానీ, దీన్ని మణిపాల్ ఆసుపత్రి వైద్యులు ఛాలెంజ్గా స్వీకరించి, చిన్నారిని కాపాడారు. డాక్టర్ శైలేంద్ర లాల్వానీ నేతృత్వంలోని వైద్య బృందం 9 గంటల పాటు శ్రమించి ఈ సర్జరీని పూర్తి చేసింది.
హమద్ కంటే ముందు వారికీ..
హమద్కు తన తల్లి.. కాలేయాన్ని దానం చేసిందని వైద్యులు తెలిపారు. జనవరి 26న హమిద్ను ఆసుపత్రి నుంచి డిశ్చార్జి చేశామని చెప్పారు. ప్రస్తుతం చిన్నారి ఆరోగ్యం బాగుందని తెలిపారు. హమద్ కంటే ముందు జన్మించిన మగ్గురు చిన్నారులు కూడా ఇదే వ్యాధితో బాధపడే వారు. సరైన చికిత్స అందక ఆ ముగ్గురు మృతి చెందారు. అయితే.. ప్రస్తుతం దిల్లీ వైద్యుల కృషి ఫలితంగా హమద్ను కాపాడుకోగలిగామని తన తల్లి సంతోషం వ్యక్తం చేస్తోంది.
ఇదీ చదవండి:ఆ పాఠశాలలో 150 మంది విద్యార్థులకు కరోనా
