దేశంలో ఏడు రాష్ట్రాలకు బర్డ్ ఫ్లూ విస్తరించినట్లు కేంద్రం వెల్లడించింది. కేరళ, రాజస్థాన్, మధ్యప్రదేశ్, హిమాచల్ ప్రదేశ్, హరియాణా, గుజరాత్, ఉత్తర్ప్రదేశ్ రాష్ట్రాలలో బర్డ్ ఫ్లూను నిర్ధరించినట్లు కేంద్ర పాడి పశు సంవర్థక మంత్రిత్వశాఖ పేర్కొంది.
ఛత్తీస్‌గఢ్లో అకారణంగా పక్షులు మరణించినట్లు నివేదిక అందిందని తెలిపింది కేంద్ర పాడి పశు సంవర్థక మంత్రిత్వశాఖ. దిల్లీ మయూర్‌ విహార్‌ సంజయ్ లేక్లో బాతులు అకారణంగా మృతి చెందిన విషయం కూడా తమ దృష్టికి వచ్చినట్లు వెల్లడించింది. మహారాష్ట్రలోనూ బర్డ్ ఫ్లూ వ్యాప్తి ఆనవాళ్లున్నట్లు పేర్కొంది. ముంబయి, ఠాణే, దపోలీ, పర్భానీ ప్రాంతాల్లో కాకులు మరణించాయనే సమాచారం అందినట్లు తెలిపింది.
ఛత్తీస్గఢ్, దిల్లీ రాష్ట్రాల్లో మరణించిన పక్షులు, బాతులలో ఏవియన్ ఇన్‌ ఫ్లూయెంజా వైరస్ ఆనవాళ్ల కోసం నమూనాలను పరీక్షలకు పంపినట్లు పశు సంవర్థక శాఖ తెలిపింది. ఈ నేపథ్యంలో అన్ని రాష్ట్రాలు తక్షణమే తగిన చర్యలు తీసుకొని బర్ద్ ఫ్లూ వ్యాప్తి చెందకుండా చూడాలని కేంద్రం కోరింది.
ఇదీ చదవండి:
