ఉత్తర్ప్రదేశ్ సంభల్ జిల్లాలో ఘోర రోడ్డు ప్రమాదం జరిగింది. రెండు బస్సులు ఢీకొన్న ఘటనలో ఏడుగురు మృతి చెందారు. మరో 8 మంది గాయపడ్డారు. ఆగ్రా- చందౌసీ రహదారిపై బాహ్జోయ్ పోలీస్ స్టేషన్ పరిధిలో ఆదివారం అర్ధరాత్రి ఈ ఘటన జరిగింది.
ఓ వివాహ వేడుకకు హాజరైన ప్రయాణికులతో వస్తున్న ఓ ప్రైవేట్ బస్సు టైరు పంక్చర్ అయింది. దీంతో లహరావన్ గ్రామం వద్ద దానిని నిలిపి ఉంచారు. ఆగి ఉన్న ఆ బస్సును మరో బస్సు ఢీకొనగా ప్రమాదం జరిగిందని జిల్లా ఎస్పీ చక్రేశ్ మిశ్రా తెలిపారు.
మృతులను విర్పుల్(60), హప్పు(35), ఛోటే(40), రాకేశ్(30), అభయ్(18), వినీత్(30), భూరే(25)గా పోలీసులు గుర్తించారు. క్షతగాత్రులను సమీపంలోని ఆస్పత్రులకు తరలించామని చెప్పారు. మృతదేహాలను పోస్టుమార్టం కోసం తరలించామని తెలిపారు.
ఇదీ చూడండి: భీకర వర్షాలకు ముగ్గురు మృతి- నలుగురు గల్లంతు
ఇదీ చూడండి: కుప్పకూలిన మూడంతస్తుల భవనం.. ఒకరు మృతి
