జమ్ముకశ్మీర్ స్థానిక సంస్థల ఎన్నికల(డీడీసీ)కు సోమవారం నాలుగో విడత పోలింగ్ జరగనుంది. మొత్తం 34 స్థానాలకు 249మంది అభ్యర్థులు బరిలో ఉన్నారు. 7లక్షల మందికిపైగా ఓటర్లు వీరి భవితవ్యాన్ని తేల్చనున్నారు. ఉదయం 7గంటల నుంచి మధ్యాహ్నం 2 గంటల వరకు మాాత్రమే ప్రజలు తమ ఓటు హక్కును వినియోగించుకునేందుకు అవకాశముంది. మొత్తం 1,910 పోలింగ్ స్టేషన్లలో ఏర్పాట్లు పూర్తి చేశారు అధికారులు.
నాలుగో విడత ఎన్నికల్లో భాగంగా ఖాళీగా ఉన్న 50 సర్పంచ్ స్థానాలకు కూడా సోమవారమే పోలింగ్ జరగనుంది. 137 మంది అభ్యర్థులు పోటీ పడుతున్నారు.
కశ్మీర్లో ఆర్టికల్ 370 రద్దు తర్వాత తొలిసారి ప్రజాస్వామ్యబద్ధంగా జరుగుతున్న ఎన్నికలను 8 విడతలుగా నిర్వహిస్తోంది ప్రభుత్వం. నవంబర్ 28, డిసెంబర్1, డిసెంబర్ 4న మొదటి మూడు దశల పోలింగ్ పూర్తయింది.
