ఝార్ఖండ్‌లో రైలు ఢీకొట్టిన(train accident) ఘటనలో.. ఒకే కుటుంబానికి చెందిన నలుగురు వ్యక్తులు మృతిచెందారు. సింగ్భూమ్ జిల్లా బింజాయ్‌ పులియా ప్రాంతంలో.. ఓ మహిళ తన కుమారుడు, కోడలు, మనవరాలితో కలిసి.. పట్టాలు దాటేందుకు యత్నించింది. ఈ క్రమంలో అటుగా వేగంగా వస్తున్న.. దురంతో ఎక్స్‌ప్రెస్‌ వారిని ఢీ కొట్టింది. అమాంతం ఎగిరి పడిన ఆ నలుగురు వ్యక్తులు.. అక్కడికక్కడే ప్రాణాలు కోల్పోయారు. పట్టాలపై మృత దేహాలు చెల్లాచెదురుగా పడిపోవడం వల్ల ఆ ప్రాంతమంతా భీతావాహంగా మారింది.
పని ముగించుకొని ఇంటికి త్వరగా వెళ్లే క్రమంలో.. వారు పట్టాలు దాటేందుకు యత్నించారని రైల్వే పోలీసులు తెలిపారు. ఘటనపై కేసు నమోదు చేసిన ఆర్‌పీఎఫ్‌ అధికారులు.. దర్యాప్తు చేస్తున్నారు.
ఇదీ చూడండి : అగ్గిపెట్టెకన్నా చిన్న ఖురాన్ను ఎప్పుడైనా చూశారా?
