పంజాబ్లో ఆమ్ ఆద్మీ పార్టీ అధికారంలోకి వస్తే ప్రతి కుటుంబానికి 300 యూనిట్ల ఉచిత విద్యుత్తు ఇస్తామని ఆప్ అధినేత, దిల్లీ ముఖ్యమంత్రి అరవింద్ కేజ్రీవాల్ హామీ ఇచ్చారు. వచ్చే ఏడాది జరగనున్న పంజాబ్ అసెంబ్లీ ఎన్నికలపై గురి పెట్టిన ఆయన.. విద్యుత్తును ఎన్నికల అస్త్రంగా మలుచుకున్నారు.
"పంజాబ్లో మూడు భారీ కార్యక్రమాలు చేపడతాం. తొలుత, ప్రతి కుటుంబానికి ఉచితంగా 300 యూనిట్ల విద్యుత్తు అందిస్తాం. రెండు, పెండింగ్ బిల్లులను రద్దు చేసి విద్యుత్తు కనెక్షన్ పునరుద్ధరిస్తాం. చివరగా, 24 గంటలు విద్యుత్తు సరఫరా చేస్తాం."
- అరవింద్ కేజ్రీవాల్, ఆప్ అధినేత
విద్యుత్ సంస్థలతో పంజాబ్ ప్రభుత్వం కుమ్మక్కైందని కేజ్రీవాల్ ఆరోపించారు. దిల్లీలో 2013లో తాము అధికారంలోకి వచ్చే ముందు ప్రజలపై విద్యుత్ బిల్లు రూపంలో పెను భారం పడేదని, ప్రస్తుతం చాలా చౌకగా లభిస్తుందని తెలిపారు. అదే పంజాబ్లోనూ సాకారం చేస్తామని చెప్పారు.
ఇదీ చూడండి: పంజాబ్ ఎన్నికల కోసం అకాలీదళ్- బీఎస్పీ పొత్తు
