అక్కాచెల్లెళ్ల ఘనత- ఒకేసారి ముగ్గురికి ప్రభుత్వ ఉద్యోగం

ముగ్గురు అక్కాచెల్లెళ్లు ఒకేసారి స్టేట్​ అడ్మినిస్ట్రేటివ్​ సర్వీస్ పరీక్షలో ఉత్తీర్ణులై.. ప్రభుత్వ ఉద్యోగాలకు ఎంపికయ్యారు. అంతకుముందు వీరి మరో ఇద్దరు తోబుట్టువులు కూడా అదే హోదాలో ఉన్నారు. దాంతో ఇప్పుడు ఒకే ఇంటి నుంచి ఐదుగురు అమ్మాయిలు.. ప్రభుత్వ అధికారులుగా మారారు.

ప్రభుత్వ ఉద్యోగం సాధించాలని చాలామంది కలలు కంటారు. ఎంతో శ్రమిస్తే తప్ప.. ఏ కొద్ది మందికో తప్ప అందరికీ ఆ కల నెరవేరదు. మరి అలాంటిది ఒకే ఇంటి నుంచి ఐదుగురు అమ్మాయిలు.. ప్రభుత్వ ఉద్యోగాలు సంపాదించడం అంటే మామూలు విషయం కాదు కదా? రాజస్థాన్​ హనుమాన్​గఢ్​కు చెందిన ఐదుగురు తోబుట్టువులు మాత్రం ఈ అరుదైన ఘనత సాధించారు.

రాజస్థాన్​ స్టేట్​ అడ్మనిస్ట్రేటివ్ సర్వీస్​(ఆర్​ఏఎస్​) పరీక్షలో అన్షు, రీతు, సుమన్​ అనే ముగ్గురు అక్కాచెల్లెళ్లు ఒకేసారి ఉత్తీర్ణులయ్యారు. అయితే.. వారి మరో ఇద్దరు అక్కాచెల్లెళ్లు కుడా ఇప్పటికే ఆర్ఏఎస్​ అధికారులుగా ఉండటం విశేషం. దాంతో ఇప్పుడు ఒకే ఇంటి నుంచి ఐదుగురూ ఆర్​ఏఎస్​ అధికారులుగా మారారు. ఈ విషయాన్ని ఇండియన్ ఫారెస్ట్ ఆఫీసర్​ ప్రవీణ్​ కాసవాన్..​ ట్విట్టర్​లో షేర్​ చేశారు. ఈ ముగ్గురు అక్కాచెలెళ్లకు అభినందిస్తూ వారి ఫొటోను పోస్ట్​ చేశారు.

• Such a good news. Anshu, Reetu and Suman are three sisters from Hanumangarh, Rajasthan. Today all three got selected in RAS together. Making father & family proud. pic.twitter.com/n9XldKizy9

  — Parveen Kaswan, IFS (@ParveenKaswan) July 14, 2021 " class="align-text-top noRightClick twitterSection" data="

  Such a good news. Anshu, Reetu and Suman are three sisters from Hanumangarh, Rajasthan. Today all three got selected in RAS together. Making father & family proud. pic.twitter.com/n9XldKizy9

  — Parveen Kaswan, IFS (@ParveenKaswan) July 14, 2021

  ">

  Such a good news. Anshu, Reetu and Suman are three sisters from Hanumangarh, Rajasthan. Today all three got selected in RAS together. Making father & family proud. pic.twitter.com/n9XldKizy9

  — Parveen Kaswan, IFS (@ParveenKaswan) July 14, 2021

"రాజస్థాన్​ హనుమాన్​గఢ్​కు చెందిన అన్షు, రీతు, సమన్​.. ఈ ముగ్గురు అక్కాచెల్లెళ్లు ఆర్ఏఎస్​ అధికారులుగా ఎంపికయ్యారు. ఇదో మంచి వార్త. వీరు తమ తండ్రిని, కుటుంబాన్ని గర్వపడేలా చేశారు. వీరి మరో ఇద్దరు అక్కాచెల్లెళ్లు రోమా, మంజు ఇప్పటికే ఆర్ఏఎస్​ అధికారులుగా ఉన్నారు. సహదేవ్​ సహారన్​ అనే రైతు బిడ్డలైన ఈ ఐదుగురూ ఇప్పడు ఆర్​ఏఎస్​ అధికారులే."

- ప్రవీణ్​ కాసవాన్, ఐఎఫ్​ఎస్​ అధికారి

ప్రవీణ్ కాసవాన్​​ చేసిన ట్వీట్​కు 6 వేలకుపైగా లైకులు వచ్చాయి. ఈ తోబుట్టువులను నెటిజన్లు తమ కామెంట్లలో ప్రశంసలతో ముంచెత్తుతున్నారు.

ఆర్​ఏఎస్​ 2018 ఫలితాలను రాజస్థాన్​ పబ్లిక్ సర్వీస్ కమిషన్​(ఆర్​పీఎస్​సీ) మంగళవారం విడుదల చేసింది. ఝంఝునుకు చెందిన ముక్తా రావ్​ ఈ పరీక్షలో టాపర్​గా నిలవగా... టోంక్​కు చెందిన మన్మోహన శర్మ, జైపుర్​కు చెందిన శివాక్షి ఖందల్​.. రెండు, మూడు స్థానాల్లో నిలిచారు.

ఆర్ఏఎస్​ టాపర్లను ఆ రాష్ట్ర ముఖ్యమంత్రి అశోక్​ గహ్లోత్​.. ట్విట్టర్​లో అభినందించారు. రాష్ట్రానికి సేవ చేసేందుకు వారికి దొరికిన గొప్ప అవకాశం ఇది అని పేర్కొన్నారు.

ఇదీ చూడండి: సెలూన్​లోకి అనుకోని అతిథి- గంటసేపు మేకప్​!

ఇదీ చూడండి: ఐబీపీఎస్​ క్లర్క్​ పోస్టుల భర్తీకి బ్రేక్​!