బాలికపై గ్యాంగ్​ రేప్​- దోషులకు 20 ఏళ్ల జైలు

15 ఏళ్ల బాలికపై సామూహిక అత్యాచారం చేసిన కేసులో ముగ్గురు నిందితులకు 20 సంవత్సరాల జైలు శిక్ష విధించింది ఉత్తర్​ప్రదేశ్​లోని ఓ కోర్టు. 2019 మార్చిలో ఈ ఘోరానికి పాల్పడ్డారు.

రెండేళ్ల కింద ఓ బాలికపై జరిగిన సామూహిక అత్యాచారం కేసులో ఉత్తర్​ప్రదేశ్​లోని ఓ కోర్టు కీలక తీర్పు ఇచ్చింది. దోషులుగా తేలిన ముగ్గురికి 20 ఏళ్ల జైలు శిక్ష విధించింది. తలో 32 వేల రూపాయల చొప్పున జరిమానా కట్టాలని ఆదేశించింది.

జిల్లా అదనపు సెషన్స్​ కోర్టు ప్రత్యేక జడ్జి సంతోష్​ కుమార్​ యాదవ్​ ఈ తీర్పును వెల్లడించారు.

2019 మార్చిలో 15 ఏళ్ల బాలికపై ముగ్గురు సామూహిక అత్యాచారానికి పాల్పడ్డారు. 3 నెలల పాటు ఆమెతో బలవంతంగా శారీరక సంబంధం కొనసాగించి.. బాధితురాలు గర్భం దాల్చేందుకు కారణమయ్యారు.

ఆమెకు బలవంతంగా గర్భనిరోధక మాత్రలు వేయగా.. అపస్మారక స్థితిలోకి వెళ్లింది. కోలుకున్న తర్వాత.. కుటుంబసభ్యులకు జరిగిన విషయం చెప్పింది.

ఇదీ చూడండి: అత్యాచారం జరిగిన 17ఏళ్లకు ఫిర్యాదు