దక్షిణ కశ్మీర్ అనంతనాగ్ జిల్లాలోని బిజ్బిహారా పట్టణానికి చెందిన 27 ఏళ్ల ఆమిర్ లోనె.. 'దివ్యాంగ ప్రీమియర్ లీగ్'కు ఎంపికయ్యాడు.
చిన్నతనంలో జరిగిన ప్రమాదంలో రెండు చేతులను పోగొట్టుకున్నా విజయపథంలో ఆమిర్ ఏ మాత్రం వెనుకబడలేదు. ఎంతో ఇష్టమైన క్రికెట్లో శిక్షణ తీసుకుని అద్భుత ఆటగాడిగా గుర్తింపు పొందాడు. కాళ్లతోనే బౌలింగ్ చేస్తూ.. బ్యాట్స్మెన్ను కట్టడి చేస్తూ... అందరితో ఔరా అనిపించుకుంటున్నాడు.
మైదానంలో ఆమిర్ ఆల్లౌండర్ ప్రదర్శనను వీక్షించడానికి ప్రేక్షకులు సుదూర ప్రాంతాల నుంచి వస్తారు. మెడతోనే బ్యాట్ను పట్టుకుని కౌశల ప్రదర్శనను ఇస్తాడు ఆమిర్. ఈ కారణంగానే అయన జాతీయ స్థాయిలో బహుమతులను గెలుచుకున్నాడు. జమ్ముకశ్మీర్ పారా క్రికెట్ జట్టుకు కెప్టెన్‌గా నియమితులైన అతడు.. జాతీయ స్థాయిలో అద్భుతమైన ప్రదర్శన ఇచ్చాడు. దీంతో షార్జాలో.. దివ్యాంగ క్రికెట్ కంట్రోల్ బోర్డ్ ఆఫ్ ఇండియా నిర్వహిస్తున్న 'దివ్యాంగ క్రికెట్ లీగ్'కు ఆడటానికి ఎంపిక అయ్యాడు.
''ఇది మేము గర్వించదగ్గ విషయం. పిల్లల విజయాన్నే ఏ తల్లిదండ్రులైనా కోరుకుంటారు. షార్జాలో జరిగే క్రికెట్ లీగ్కు ఆమిర్ ఎంపికవటం కన్నా గొప్ప విషయం ఏముంటుంది? మా కుమారుడు ఇంకా మరిన్ని అవకాశాలను అందుకుంటాడు. మరెన్నో పురస్కారాలు కైవసం చేసుకుంటాడన్న నమ్మకం ఉంది.''
-ఆమిర్ తల్లి
దివ్యాంగ ప్రీమియర్ లీగ్ షార్జాలో ఈనెల 8 నుంచి 15వ తేదీ వరకు జరగనుంది.
ఇదీ చదవండి: 16 అడుగుల కింగ్ కోబ్రా చూశారా?
