నిరుద్యోగులే లక్ష్యం.. రూ. 30 కోట్ల ఆన్​లైన్​ మోసం!

నిరుద్యోగులే వారి లక్ష్యం. 'పార్ట్​టైమ్​' వల వేస్తారు(bangalore online fraud). సామాజిక మాధ్యమాల్లో సెలబ్రిటీల వీడియోలు, ఫొటోలు చూసి, లైక్​ చేసి షేర్​ చేస్తే డబ్బులిస్తామని ఆశ పెడతారు(bangalore fraud case). ఉద్యోగం కోసం కొంత డబ్బు డిపాజిట్​ చేయాలంటారు. అది నమ్మి వేలాది మంది డిపాజిట్లు చేశారు. చివరికి మోసపోయారు. రంగంలోకి దిగిన పోలీసులు నిందితులను పట్టుకున్నారు. ఈ ఘటన కర్ణాటక రాజధాని బెంగళూరులో జరిగింది.

కర్ణాటకలో.. రెండు వేరువేరు ఘటనల్లో 20మందిని బెంగళూరు సౌత్​ విభాగం పోలీసులు(bangalore online fraud) అరెస్ట్​ చేశారు. ఆన్​లైన్​లో వీడియోలు చూసి, లైక్​ చేసి షేర్​ చేస్తే డబ్బులిస్తామని వీరు ఆశపెట్టి.. భారీగా డిపాజిట్లు చేయించుకున్నారు(bangalore fraud case). రెండు ఘటనల్లో మొత్తం రూ. 30 కోట్ల మేర మోసం చేశారు. రూ. 16.4కోట్లకుపైగా నగదును పోలీసులు జప్తు చేశారు.

సూపర్​ లైక్​...

ప్రజలను మోసం చేసేందుకు నిందితులు సూపర్​ లైక్​ యాప్​ను ఉపయోగించుకున్నారు. పార్ట్​టైమ్​ ఉద్యోగాలు ఇప్పిస్తామంటూ నిరుద్యోగులకు వలవేశారు. సామాజిక మాధ్యమాల్లోని సెలబ్రిటీల ఫొటోలు, వీడియోలను లైక్​ చేసి షేర్​ చేస్తే.. ఒక్కోదాని మీద రూ. 20 ఇస్తానని నమ్మించారు. అయితే ఈ పార్ట్​టైమ్​ ఉద్యోగం కోసం తొలుత కొంత నగదును డిపాజిట్​ చేయాలని షరతు పెట్టారు. అది నమ్మి వేలాది మంది ప్రజలు భారీ మొత్తంలో డిపాజిట్లు చేశారు.

బనశంకరి పోలీస్​ స్టేషన్​లో సయ్యద్​ అనే వ్యక్తి ఫిర్యాదు చేయడం వల్ల అసలు వ్యవహారం బయటపడింది. నిందితులు చెప్పింది నమ్మి సయ్యద్​ రూ. 50వేలు డిపాజిట్​ చేశాడు. తొలుత వీడియోలు, ఫొటోలు లైక్​ చేసినందుకు అతడికి డబ్బులు అందేవి. ఇంకొందరిని ఈ పార్ట్​టైమ్​ ఉద్యోగంలో చేర్పిస్తే డబ్బులు ఎక్కువిస్తానని ఆశ పెట్టారు నిందితులు.. అది నమ్మి మరో 44మందితో రూ. 19.76లక్షలు డిపాజిట్​ చేయించాడు సయ్యద్​. ఆ తర్వాత సయ్యద్​కు డబ్బులు అందలేదు. తాను మోసపోయానని గ్రహించిన బాధితుడు​.. పోలీసులకు ఫిర్యాదు చేశాడు.

దర్యాప్తు చేపట్టిన పోలీసులు.. 210 మంది 'ఆన్​లైన్​ మోసాల' బాధితులను విచారించారు. దొరికిన ఆధారాలతో 14మందిని అరెస్ట్​ చేశారు. రూ. 5.40కోట్ల బ్యాంకు డిపాజిట్లను జప్తు చేశారు.

ఇదీ చూడండి:- ఫేక్​ ఆన్​లైన్​ పోర్ట​ల్​తో రూ. 5లక్షల మోసం

కీప్​ షేర్​..

మరో ఘటనలో చైనాలోని సాఫ్ట్​వేర్​ డెవలపర్స్​ సహాయంతో 'కీప్​ షేర్​' అనే యాప్​ను రూపొందించిన నిందితులు.. ప్రజలకు పార్ట్​టైమ్​ వల వేశారు. సెలబ్రిటీల ఫొటోలు, వీడియోలు లైక్​ చేసి షేర్​ చేస్తే రూ. 20 ఇస్తామని నమ్మించారు. ప్రజల నుంచి డిపాజిట్లు సేకరించారు. ఇందుకోసం అనేక బ్యాంకుల్లో ఖాతాలు తెరిచారు.

బెంగళూరులో

బెంగళూరుకు చెందిన తిప్పస్వామి అనే వ్యక్తి వీరి ఉచ్చులో పడి రూ. 4.83లక్షలు పోగొట్టుకున్నాడు. తిప్పస్వామి కోననకుంట పోలీస్​ స్టేషన్​లో ఫిర్యాదు చేయగా.. అధికారులు రంగంలోకి దిగారు.

ప్రజల నుంచి నిందితులకు రూ. 25కోట్లు డిపాజిట్ల రూపంలో అందినట్టు దర్యాప్తులో భాగంగా తేలింది. 110 బ్యాంకు ఖాతాల్లోని రూ. 11కోట్లను పోలీసులు జప్తు చేశారు. ఈ ఘటనకు సంబంధించిన ఓ హిమాచల్​ప్రదేశ్​ వ్యక్తితో సహా మొత్తం ఆరుగురిని అరెస్టు చేశారు. 7 ఫోన్లు, రెండు ల్యాప్​టాప్​లు, ఇతర డాక్యుమెంట్లను స్వాధీనం చేసుకున్నారు.

ఇదీ చూడండి:- ఇన్​స్టాగ్రామ్​లో స్నేహం.. రూ. 32 లక్షలు మోసం