స్కూల్​ బస్సులకు ప్రమాదం- నలుగురు చిన్నారులు మృతి

School Bus Accident: రాజస్థాన్​లోని జైసల్మేర్​లో దారుణం జరిగింది. ఓ స్కూల్​ బస్​ బోల్తా పడి ఇద్దరు చిన్నారులు చనిపోయారు. మరో 40 మందికి గాయాలైనట్లు అధికారులు తెలిపారు. యూపీలో జరిగిన మరో ఘటనలో ఇద్దరు చిన్నారులు మృతి చెందారు.

School Bus Accident: రాజస్థాన్​ జైసల్మేర్​లో జరిగిన ఓ స్కూల్​ బస్​ ప్రమాదంలో ఇద్దరు చిన్నారులు మృతి చెందారు. మరో 40 మందికి గాయాలైనట్లు అధికారులు తెలిపారు. ఈ ఘటన ఫల్సుండ్ పోలీస్ స్టేషన్ పరిధిలోని షియో రోడ్డులో జరిగిందని పేర్కొన్నారు.

గాయపడిన వారిని స్థానికంగా ఉన్న ఆసుపత్రికి తరలించినట్లు పోలీసులు తెలిపారు. ప్రాథమిక చికిత్స అనంతరం కొందరు విద్యార్థులు ఆస్పపత్రి నుంచి డిశ్చార్జి చేసినట్లు వివరించారు. మరో 20 మంది చికిత్స పొందుతున్నారని అన్నారు. చనిపోయిన ఇద్దరిని హసమ్​ ఖాన్, కసమ్ ఖాన్‌గా గుర్తించారు.

ముజఫర్​నగర్​ లో మరో ప్రమాదం..

ఉత్తర్​ప్రదేశ్​లోని ముజఫర్​ నగర్​లో రెండు స్కూల్​ బస్సులు ఢీ కొన్నాయి. ఈ ఘటనలో ఇద్దరు చిన్నారులు మృతి చెందారు. మరో 8 మందికి గాయాలయ్యాయి. ఈ ఘటన పానిపట్​- ఖాటిమా జాతీయ రహదారిపై జరిగినట్లు పోలీసులు తెలిపారు. వీరిని మేరఠ్​​లోని ఆసుపత్రికి తరలించినట్లు పేర్కొన్నారు. అప్పటికే ఇద్దరు చిన్నారులు చనిపోయినట్లు వైద్యులు తెలిపారు. మరో ఇద్దరి పరిస్థితి విషమంగా ఉన్నట్లు చెప్పారు.

ఇదీ చూడండి: మతిస్తిమితం కోల్పోయిందని...15 ఏళ్లుగా గొలుసుతో కట్టేసి..