Fashion show at Vijayawada : ర్యాంప్‌ వాక్​తో... హోయలొలికించిన యువతీయువకులు

Icon of Vijayawada fashion show: యువతీ యువకులు.. తమ అందచందాలతో ఫ్యాషన్‌ షోలో హెూయలొలికించారు. ర్యాంప్‌ వాక్‌ చేస్తూ.. ఫ్యాషన్‌ షోకి విచ్చేసిన ప్రేక్షకులను ఆకట్టుకున్నారు. విజయవాడలో ఫిలిం మేకర్‌ రాజేశ్​ నేతృత్వంలో ఇవెంట్ నిర్వహించారు. ఈ సందర్భంగా నిర్వహించిన ఫ్యాషన్‌ షోకు రాష్ట్రంలోని వివిధ ప్రాంతాల నుంచి యువత వచ్చారు. ఒక వైపు యువతులు.. మరో వైపు యువకులు ర్యాంప్‌ వాక్‌ చేశారు. ఫ్యాషన్‌ రంగం వైపు ఆసక్తి చూపే వారిని ప్రోత్సహించాలనే ఉద్దేశ్యంతో ఈ ఈవెంట్‌ నిర్వహిస్తున్నట్లు నిర్వాహాకులు వెల్లడించారు. కొవిడ్​ కారణంగా ఫ్యాషన్‌ షోలు నిర్వహించకపోవడంతో ఈ రంగంపై ఆసక్తి చూపుతున్న యువతకు తీవ్ర నిరాశ ఎదురవుతోందన్నారు. ఈ ఐకాన్‌ ఆఫ్‌ విజయవాడ ఫ్యాషన్‌ షోకు ముఖ్య అతిథిగా బిగ్‌ బాస్‌- 5 కంటెస్టెంట్‌ జశ్వంత్‌ వచ్చారు.