Pratidhwani: ఊహించని విషాదం.. బిపిన్ రావత్‌ మృతితో దిగ్భ్రాంతిలో భారత్

ఊహించని పెను విషాదం చోటు చేసుకుంది. చీఫ్‌ ఆఫ్‌ డిఫెన్స్‌ స్టాఫ్‌ బిపిన్ రావత్‌ మరణం యావత్ దేశాన్ని దిగ్భ్రాంతికి గురి చేసింది. హెలికాఫ్టర్‌ ప్రమాదం విసిరిన మృత్యుపాశం.. భారత దేశ రక్షణ రంగానికి పూడ్చలేని లోటుకు కారణమైంది. నాన్న బాటలో సైన్యంలో చేరి... అంచెలంచెలుగా ఎదిగిన సీడీఎస్ జనరల్ రావత్‌ ఇకలేరన్న మాటనే ఎవరూ జీర్ణించుకోలేక పోతున్నారు. సంక్లిష్ట సవాళ్లను ఎదుర్కొంటున్న దేశ రక్షణ రంగానికి కొత్తశకంలోకి నడిపించే గురుతర బాధ్యత నిర్వహిస్తున్న ఆయన మరణంపై సంతాప సందేశాలు వెల్లువెత్తుతున్నాయి. దాదాపు 4 దశాబ్దాలకు పైగా జనరల్ రావత్‌ అందించిన సేవలు అటువంటివి. ఇదే అంశంపై నేటి ప్రతిధ్వని.