ఎమ్మెల్యేలే అశ్లీల చిత్రాలు చూస్తున్నారు - చెడిపోయేవాళ్లు ఎలాగైనా చెడిపోతారు : వైఎస్సార్సీపీ ఎమ్మెల్యే వ్యాఖ్యలు

YSRCP MLA Chennakesava Reddy Sensational Comments : వైఎస్సార్సీపీ ఎమ్మెల్యే సంచలన వ్యాఖ్యలు చేశారు. ప్రజా ప్రతినిధులు అశ్లీల చిత్రాలు చూస్తారని చేసిన వ్యాఖ్యలు ప్రస్తుతం సోషల్ మీడియాలో వైరల్​గా మారాయి. పూర్తి వివరాలివీ. కర్నూలు జిల్లా ఎమ్మిగనూరు ఎమ్మెల్యే చెన్నకేశవ రెడ్డి మాట్లాడుతూ కొందరు ఎమ్మెల్యేలు అశ్లీల బొమ్మలు చూస్తున్నారని, పెద్ద పెద్ద పట్టణాల్లో కొందరు ఉన్నత వర్గాల వారు అశ్లీల చిత్రాలు చూస్తుంటారని వివాదాస్పద వ్యాఖ్యలు చేశారు. 

Government Distributing Tabs in AP : ప్రభుత్వ పాఠశాల్లో వెనుకబడిన వర్గాల విద్యార్థులకు ట్యాబ్​లు, ల్యాప్ ట్యాప్​లు ఇవ్వడంతో అందులో వారు పోర్న్ బొమ్మలు చూస్తున్నారని కొన్ని పత్రికలు రాయడం సరికాదని చెన్నకేశవ రెడ్డి అన్నారు. కొందరు చూడటం వల్ల మొత్తం సమాజానికి అపాదించడం తగదని హితవు పలికారు. పేద విద్యార్థులకు ఆంగ్ల విద్య, ఆధునిక సాంకేతిక పరికరాలు అందించి వారిని ఉన్నతులుగా తీర్చిద్దేందుకు ప్రభుత్వం కృషి చేస్తుంటే బదనామ్ చేయడం దుర్మార్గమని ఆగ్రహం వ్యక్తం చేశారు. చెడిపోయే వారు ఎలాగైనా చెడిపోతారని పేర్కొన్నారు.