మామిడి తోట నేలమట్టం - పోలీసులు చూస్తూ పట్టించుకోలేదంటున్న బాధితురాలు

Persons Destroyed Mango Trees for Land Kabza: విజయవాడ రూరల్ మండలం నైనవరం గ్రామంలో దుర్గాంబ అనే మహిళ 50 సెంట్ల స్థలంలో సాగు చేస్తున్న మామిడి తోటను కొందరు దుండగులు ధ్వంసం చేశారు. ఈ ఘటనపై ఆమె పోలీసులకు ఫిర్యాదు చేశారు. తమ భూమిని ఆక్రమించేందుకు సోమయ్య, వెంకటేశ్వర్లు అనే ఇద్దరు 70మంది అనుచరులతో తోటలో చొరబడి ప్రొక్లైన్​తో 32 మామిడి చెట్లను ధ్వంసం చేశారని ఆరోపించారు. 

Mango Plants Destroyed for Land: అనుచరులతో వచ్చిన వ్యక్తులు తోటను ధ్వంసం చేయకుండా తాము అడ్డుకున్నా దుర్భాషలాడి పక్కకి తోసేశారని దుర్గాంబ వాపోయారు. ఈ భూమి 70ఏళ్ల కాలం నుంచి తమ అత్త, మామల ఆధీనంలో ఉందని ఆమె తెలిపారు. ఈ సందర్భంలో 100కి కాల్ చేయగా పోలీసులు వచ్చారని, వారు ఎటువంటి చర్యలు తీసుకోకపోవటంతో వారి ఆక్రమణను కొనసాగించారని ఆమె ఆరోపించారు. ఈ ఘటనపై అధికారులు తగు చర్యలు తీసుకుని తమ స్థలాన్ని ఆక్రమణకు గురికాకుండా చూడాలని బాధితురాలు వేడుకుంది.