Minister Amarnath: హరిరామ జోగయ్యపై మంత్రి అమర్నాథ్ విసుర్లు.. సీనియర్ ప్యాకేజీ స్టార్ అంటూ...

Minister Amarnath criticized Ex MP Hari Rama Jogayya: మాజీ ఎంపీ హరి రామ జోగయ్యపై రాష్ట్ర మంత్రి గుడివాడ అమర్నాథ్ తీవ్ర విమర్శలు చేశారు. విశాఖలోని ఓ ప్రైవేట్ హోటల్​లో మీడియాతో మంత్రి మాట్లాడారు. పెన్ను, పేపర్ పట్టుకోలేని వ్యక్తి ఎవరో రాసిచ్చిన వాటిపై రామజోగయ్య సంతకాలు పెడుతున్నారని విమర్శించారు. ప్రజారాజ్యం పార్టీలో ఉండి చిరంజీవినే విమర్శించారని ఆరోపించారు. పవన్​ ప్యాకేజీ స్టార్​ అయితే ఈయన.. సీనియర్​ ప్యాకేజీ స్టార్​గా తయారయ్యారని హరిరామ జోగయ్యను మంత్రి గుడివాడ అమర్నాథ్​ అభివర్ణించారు. వయస్సుకు తగిన పనులు చేస్తే మంచిదని హితవు పలికారు. ముఖ్యమంత్రి జగన్​ మోహన్​ రెడ్డిని విమర్శించే నైతికత లేని వ్యక్తి హరి రామజోగయ్య అని మంత్రి  అమర్నాథ్​ ఆగ్రహం వ్యక్తం చేశారు. ముఖ్యమంత్రికి ఇష్టమొచ్చినట్లు లేఖ రాయటం సరికాదని విమర్శించారు. వయస్సు పెరిగిన కొద్ది సంప్రదాయాలు, సంస్కృతులు పెరగాలని అన్నారు. పేపర్లు, టీవీల్లో ప్రచారం కోసం ఇష్టం వచ్చిన విధంగా చేయటం సరికాదని అన్నారు.