ఇంఛార్జ్ ఆడిట్ డైరెక్టర్ పదవి నుంచి హరిప్రకాశ్ తొలగింపు, ఆ కారణంగానే!

Incharge Audit Director Hariprakash Dismiss: ఇంఛార్జ్ ఆడిట్ డైరెక్టర్ ఆర్.హరిప్రకాశ్​ను ఆ పదవి నుంచి తొలగిస్తూ రాష్ట్ర ప్రభుత్వం ఉత్తర్వులు జారీ చేసింది. ఆర్థికశాఖలో రిపోర్టు చేయాల్సిందిగా హరిప్రకాశ్​ను ఆదేశిస్తూ ఆర్థికశాఖ అధికారులు ఉత్తర్వులు పంపించారు. ఆ శాఖలోని జాయింట్ డైరెక్టర్ విజయభారతికి స్టేట్ ఆడిట్ డైరెక్టర్​గా అదనపు బాధ్యతలను అప్పగిస్తూ ఉత్తర్వులు జారీ చేశారు. కిందిస్థాయి ఉద్యోగులపై వేధింపులు, మాట విననివారిని ఇష్టానుసారంగా బదిలీలు, సస్పెన్షన్లు చేస్తున్నట్లు వచ్చిన ఫిర్యాదులపై.. ప్రభుత్వం ఆయన్ను ఆడిట్ డైరెక్టర్ పదవి నుంచి తొలగించినట్లు సమాచారం. జోన్ 4 లో 14 మందిని ఒకేసారి బదిలీ చేసిన అంశంతో పాటు వారికి 5 నెలలుగా వేతనాలు లేకుండా చేయటంలోనూ హరిప్రకాశ్ రెడ్డి పాత్ర ఉందన్న ఆరోపణలు ఉన్నాయి.

Employees Protest Over State Audit Director: వేధింపులు, సస్పెన్షన్లపై గడచిన ఏడాది కాలంగా ఆడిట్ ఉద్యోగులు ఫిర్యాదు చేస్తున్నా.. పై స్థాయిలో అండదండలు ఉండటంతో ఆయన ఆడిట్ డైరెక్టర్​గా కొనసాగుతున్నారు. ఆడిట్ డైరెక్టర్ గా ఆయన్ను తొలగించాలంటూ ఆ శాఖ ఉద్యోగులు వారం రోజుల పాటు దీక్షలు నిర్వహించారు. ఉద్యోగ సంఘాల నుంచి వచ్చిన వరుస ఫిర్యాదుల మేరకు ప్రభుత్వం ఆయన్ను తొలగిస్తూ ఉత్తర్వులు ఇచ్చినట్లు తెలుస్తోంది.