ఎవర్ గ్రీన్ పాలిమర్స్ ప్లాస్టిక్ కర్మాగారంలో ఫైర్ - ప్రమాదానికి కారణం ఏమిటంటే!

Fire Accident in Evergreen Polymer Plastic Factory At Pedagantyada Autonagar : ఎవర్ గ్రీన్ పాలిమర్స్ ప్లాస్టిక్ కర్మాగారంలో అగ్ని ప్రమాదం (Fire Hazard) జరిగింది. ఎటువంటి ప్రాణనష్టం జరగకపోవడంతో అక్కడున్న వారందరూ ఊపిరి పీల్చుకున్నారు. ఈ ఘటన విశాఖ జిల్లాలో చోటు చేసుకుంది. స్థానికులు, అగ్నిమాపక అధికారి తెలిపిన వివరాల ప్రకారం.. జిల్లాలోని పెదగంట్యాడ ఆటోనగర్​లో ఉన్న ఎవర్ గ్రీన్ పాలిమర్స్ ప్లాస్టిక్ కర్మాగారం (Evergreen Polymer Plastic Factory)లో ఆదివారం తెల్లవారుజామున 3 గంటలకు మంటలు చెలరేగాయి. కర్మాగారం సిబ్బంది అగ్నిమాపక సిబ్బందికి సమాచారం అందించారు.

Fire Hazard at Factory in Visakhapatnam  District : విషయం తెలుసుకున్న అగ్నిమాపక సిబ్బంది హూటాహూటిన ఫైర్ ఇంజన్లతో ఎవర్ గ్రీన్ పాలిమర్స్ ప్లాస్టిక్ కర్మాగారానికి చేరుకున్నారు. అగ్నిమాపక సిబ్బంది మంటలను అతి కష్టం మీద అదుపులోకి తెచ్చారు. ఈ ప్రమాదంలో ఎటువంటి ప్రాణనష్టం జరగలేదని అగ్నిమాపక అధికారి తెలిపారు. కర్మాగారంలో షార్ట్ సర్క్యూట్​తో మంటలు చెలరేగినట్లు అధికారులు భావిస్తున్నారు. ఈ అగ్ని ప్రమాదంపై పూర్తి వివరాలు తెలియాల్సి ఉంది.