AIYF Protest: ఉద్యోగాలు భర్తీ చేయకుంటే తాడేప్లలి ప్యాలెస్​ను​ ముట్టడిస్తాం.. ఏఐవైఎఫ్ హెచ్చరిక

AIYF Protest On Various Demands: అఖిల భారత యువజన సమాఖ్య పిలుపు మేరకు విద్యార్థి సంఘాలు కలెక్టరేట్​ల వద్ద ఆందోళన చేపట్టాయి. రాష్ట్రవ్యాప్తంగా వివిధ శాఖల్లో ఖాళీగా ఉన్న ఉద్యోగాలను భర్తీ చేయాలని డిమాండ్ చేస్తూ ధర్నా నిర్వహించారు. గుంటూరు కలెక్టరేట్ వద్దకు చేరుకున్న ఏఐవైఎఫ్ నాయకులను పోలీసులు అడ్డుకోవటంతో ప్రభుత్వానికి వ్యతిరేకంగా నినాదాలు చేశారు. విజయవాడ ధర్నా చౌక్​లో ఏఐవైఎఫ్ నాయకులు అర్థనగ్నంగా.. తలకిందులుగా నిలబడి నిరసన తెలిపారు. ఉద్యోగాలు భర్తీ చేయకుంటే తాడేపల్లి ప్యాలెస్ ముట్టడికి యత్నిస్తామన్నారు. ప్రతిపక్షంలో నిరుద్యోగ భేరీలు.. యువభేరీలు వంటి కార్యక్రమాలు నిర్వహించి.. ఈ రోజు నిరుద్యోగులను కలిసే అవకాశం ఇవ్వకపోవడం దురదృష్టకరమని మండిపడ్డారు. ఏఐవైఎఫ్ ఆధ్వర్యంలో విద్యార్థులు కడప కలెక్టరేట్ ఎదుట ధర్నా చేపట్టారు. మహా మ్యూజియం నుంచి ర్యాలీగా బయలుదేరి ఫ్లకార్డుల ప్రదర్శన చేశారు. సీఎం జగన్ నిరుద్యోగులకు ఇచ్చిన హామీల నెరవేర్చాలని డిమాండ్​ చేశారు. ప్రభుత్వం నోటీఫికేషన్​ ఇచ్చి భర్తీ ప్రక్రియను చేపట్టకపోతే పెద్ద ఎత్తున ఉద్యమిస్తామని హెచ్చరించారు.