54 టన్నుల ట్రక్కు, బస్సును సింపుల్​గా లాగేసిన బాహుబలి!

రష్యా బాహుబలి సెర్గెయ్ అగడ్​జాన్యాన్.. అరుదైన ఫీట్ సాధించారు. 53.6 టన్నుల బరువున్న కాన్వాయన్​ను తాళ్లతో తన శరీరానికి కట్టుకొని (Towing Truck) ముందుకు లాగారు. 33 సెకన్లలో 80 సెంటీమీటర్ల మేర కాన్వాయ్​ను లాగి (Towing Vehicle) సరికొత్త ప్రపంచ రికార్డును సృష్టించారు. 'పవర్ ఎక్స్​ట్రీమ్ రష్యా' బృందం ఈ రికార్డును నమోదు చేసుకుంది. 41 టన్నుల ట్రక్కు, 12 టన్నుల బస్సు ఈ కాన్వాయ్​లో ఉన్నాయి. 53.6 టన్నులు అంటే.. ఎనిమిది మగ ఏనుగుల బరువుతో సమానం. కాన్వాయ్​ను లాగడమే కాకుండా... ఆ సమయంలో 'హాట్ వాటర్ బాటిల్​' పగిలేంత వరకు నోటితో గాలి ఊదారు. ఈ ఫీట్ సాధించేందుకు రెండేళ్ల నుంచి సన్నద్ధమవుతున్నారు సెర్గెయ్.