BATHUKAMMA ON BURJ KHALIFA: బుర్జ్‌ ఖలీఫాపై బతుకమ్మ పాటకు పట్టాభిషేకం

విశ్వవేదికపై బతుకమ్మ సంబరం అంబరాన్నంటింది. ప్రపంచ ప్రఖ్యాతిగాంచిన దుబాయ్‌లోని బుర్జ్‌ ఖలీఫాపై శనివారం రాత్రి తెలంగాణ పండుగ ‘బతుకమ్మ’ వైభవం వీడియో ప్రదర్శించారు. బతుకమ్మ ప్రాశస్త్యం, విశిష్టత, సంబురాల సంస్కృతి తెలిపేలా ఈ వీడియో రూపొందించారు. ప్రపంచంలోనే అతిపెద్ద తెర బుర్జ్‌ ఖలీఫా. ఒకేసారి లక్షమంది ఈ కార్యక్రమాన్ని వీక్షించే విధంగా ఏర్పాట్లు చేశారు. బతుకమ్మతో పాటు తెలంగాణ సీఎం కేసీఆర్‌ చిత్రపటం కూడా ప్రదర్శించారు.