Bhringraj Oil Benefits For Hair : జట్టు రాలడం, చుండ్రు సమస్యతో బాధపడుతున్నారా?.. ఈ ఆయిల్​తో చెక్​!

Bhringraj Oil Benefits For Hair : ప్రస్తుత కాలంలో చాలా మంది జట్టు రాలడం, చుండ్రు సమస్యలతో బాధపడుతున్నారు. ఈ సమస్య నుంచి బయటపడేందుకు పరిష్కారం వెతుకుతున్నారా? అయితే ఆయుర్వేదంలో గొప్ప సంజీవనిగా చెప్పుకునే బృంగరాజ్​ ఆకుల ద్వారా తయారుచేసిన నూనెను వాడండి. మరి బృంగరాజ్ ఆయిల్​తో కలిగే 5 అద్భుతమైన ప్రయోజనాలేంటో ఇప్పుడు తెలుసుకుందాం.

Bhringraj Oil Benefits For Hair : ఆధునిక జీవితంలో ప్రతిఒక్కరూ కాలుష్యం, ఆహారపు అలవాట్ల వల్ల జట్టు సమస్యలు ఎదుర్కొంటున్నారు. చిన్న వయసులోనే జుట్టు ఊడిపోవడం, బట్టతల రావడం, జుట్టు పొడిబారడం, దురద, చుండ్రు ఇలా అనేక కేశాల సమస్యలతో బాధపడుతున్నారు. జుట్టు సమస్యల నుంచి బయటపడేందుకు రకరకాల అడ్వాన్స్​డ్​ ట్రీట్​మెంట్స్​ తీసుకోవడం, ఇంటి చిట్కాలు పాటించడం, డైట్​ మెయింటెన్​ చేయడం లాంటివి చేస్తుంటారు. కొన్ని సందర్భాల్లో ఇవి సత్ఫలితాలను ఇచ్చినా చాలా వరకు అనుకున్నంత స్థాయిలో జుట్టు సమస్యలను తగ్గించుకోలేకపోతున్నారు. ఇలాంటి సమయాల్లోనే తెరపైకి వచ్చింది 'బృంగరాజ్​ నూనె'. బృంగరాజ్​ అనే మూలిక నుంచి దీని తైలాన్ని తీస్తారు. ఈ నూనెకు ఆయుర్వేద వైద్యంతో పాటు యునానీ, సిద్ధ, హోమియోపతిల్లో ప్రత్యేకమైన స్థానం ఉంది. ఈ ఆయిల్​ అన్ని రకాల మనిషి శరీరాలకు అమృతంలా పని చేసి మేలు చేస్తుంది. మరి ఎన్నో ఔషధ గుణాలు కలిగిన ఈ 'బృంగరాజ్​ నూనె' వల్ల కలిగే టాప్​ 5 ఆరోగ్య ప్రయోజనాలేంటో ఇప్పుడు తెలుసుకుందాం.

బృంగరాజ్ ఆయిల్​తో మీ జుట్టుకు కలిగే 5 ప్రయోజనాలు ఇవే..
5 Benefits Of Bhringraj Oil For Hair :

జుట్టు కుదుళ్లను ఉత్తేజపరుస్తుంది..
బృంగరాజ్ నూనెకు వెంట్రుకల కుదుళ్లను ఉత్తేజపరిచే గుణం ఉంటుంది. అంతేకాకుండా రక్త ప్రసరణను మెరుగు పరుస్తుంది. దీంతో ఆరోగ్యకరమైన జుట్టును మీరు పొందవచ్చు.

జుట్టు రాలడం ఆగుతుంది..
బృంగరాజ్ ఆయిల్​లో పోషకాలు సమృద్ధిగా ఉంటాయి. ఈ నూనె మీ జుట్టు మూలాలను దృఢపరుస్తుంది. అలాగే జుట్టు రాలడాన్ని తగ్గిస్తుంది. మొత్తంగా మీ జుట్టుకు దృఢమైన కవచాన్ని ఏర్పరుస్తుంది. తద్వారా కాలుష్యాన్ని సైతం మీ జుట్టు తట్టుకోగలదు.

చుండ్రు సమస్యలు మాయం..
బృంగరాజ్​ నూనెలో శీతలీకరణ గుణాలు అధికంగా ఉంటాయి. ఇవి మీ నెత్తి పాపిట(స్కాల్ప్​) భాగాన్ని చల్ల​గా ఉంచడమే గాక పోషకాలను అందిస్తాయి. దీని ద్వారా దురద, చుండ్రు, జుట్టు పొడిబారడం లాంటి సమస్యల నుంచి బయటపడవచ్చు. హెయిర్​ గ్రోత్​కు కావాల్సిన ఉష్ణోగ్రతలు లేదా వాతావరణాన్ని ఈ నూనె అందిస్తుంది.

సహజంగానే నలుపు జుట్టు..
బృంగరాజ్ ఆయిల్​ను తరచూ వాడటం ద్వారా మీ జుట్టు రంగును సహజంగానే మెరుగుపరుచుకోవచ్చు. ఇది మీ జుట్టు నల్లగా నిగనిగా మెరిసేలా చేస్తుంది.

క్రమం తప్పకుండా రాస్తే..
బృంగరాజ్ నూనెను క్రమం తప్పకుండా ఉపయోగించడం వల్ల వెంట్రుకల కుదుళ్లలో ఉండే వర్ణద్రవ్యం ఉత్పత్తి చేసే కణాలను మెయింటేన్​ చేస్తుంది. ఇది మీ జుట్టు ప్రీ-మెచ్యూర్​ గ్రేయింగ్​ ప్రక్రియను ఏర్పరుస్తుంది. తద్వారా మీ జుట్టును కాపాడుకోవచ్చు.