కరోనాను జయించిన 59 ఏళ్ల పోలీస్..!

59 ఏళ్ల వయసులో కొవిడ్​ను జయించిన పోలీస్​ను మంత్రులు సత్కరించారు. ప్రశంసాపత్రం అందజేశారు. జమ్మలమడుగు అర్బన్ పీఎస్​లో పనిచేస్తున్న శంకర్​రావు ఇటీవల కరోనా బారినపడి కోలుకున్నారు. ఆయనను మంత్రులు అంజాద్​ బాషా, సురేశ్, పోలీస్ శాఖ ఉన్నతాధికారులు అభినందించారు.

కడప జిల్లా జమ్మలమడుగు అర్బన్ పోలీస్​స్టేషన్​లో పనిచేస్తున్న ఎస్.శంకర్ రావుకు ఇటీవల కొవిడ్ సోకింది. 59 సంవత్సరాల వయసులో... కడప ఫాతిమా మెడికల్ కాలేజీలో చికిత్స పొంది కోలుకొని విధులకు హాజరయ్యారు. జిల్లా పోలీసు యంత్రాంగం ఆయన సేవలను గుర్తించింది.

74వ స్వాతంత్య్ర దినోత్సవం సందర్భంగా ఆయనకు ఉప ముఖ్యమంత్రి అంజాద్ బాషా, విద్యాశాఖ మంత్రి ఆదిమూలపు సురేశ్... ప్రశంసాపత్రం, మెమొంటో బహూకరించారు. శంకర్​రావును స్థానిక సిబ్బంది అభినందనలు తెలిపారు.

ఇదీ చదవండి: