ఇకపై ఆర్సీబీ 'గేమ్​ ఛేంజ్'- వేలంలో స్టార్లకే గాలం- కప్పు పక్కా!

2025 మెగా వేలం- బౌలర్లపైనే ఆర్సీబీ కన్ను- ఈసారి ప్రత్యర్థులకు దబిడి దిబిడే

RCB Buys In Auction 2025 : రాయల్ ఛాలెంజర్స్ బెంగళూరు గత 17సీజన్లుగా టైటిల్ ఫేవరెట్​గా బరిలోకి దిగుతున్నప్పటికీ ఛాంపియన్​గా నిలవలేకపోతోంది. దీంతో అత్యుత్తమ టీ20 ఆటగాళ్లపైనే ఆర్సీబీ కన్నేసింది. రూ.80+ కోట్ల పర్స్ వ్యాల్యూతో వేలంలోకి దిగిన ఆర్సీబీ, జట్టును బ్యాల్సెన్స్​గా నిర్మించుకుంటుంది. ఈ క్రమంలోనే తాజా మెగా వేలంలో గెలుపు గుర్రాలుగా భావించిన ప్లేయర్లను కొనుగోలు చేసింది!

ఆర్సీబీ డెన్​లో స్వింగ్ కింగ్​
తొలి రోజు వేలంలో జోష్ హేజిల్​వుడ్, లివింగ్ స్టోన్, ఫిల్ సాల్ట్​ను కొనుగోలు చేసిన ఆర్సీబీ, సోమవారం స్వింగ్ కింగ్​ భువనేశ్వర్ కుమార్, కృనాల్ పాండ్య​ను దక్కించుకొని జట్టును మరింత పటిష్ఠంగా చేసుకుంది. తాజా వేలంలో భువనేశ్వర్ కుమార్​ కోసం ముంబయి, లఖ్‌నవూ నుంచి పోటీ ఎదురైనప్పటికీ ఆర్సీబీ రూ.10.75 కోట్లు వెచ్చించి మరీ దక్కించుకుంది. పవర్​ ప్లే, డెత్ ఓవర్లలో భువీకి స్పెషలిస్ట్​ బౌలర్​గా పేరుంది. భూవీ రాకతో ఆర్సీబీ పేస్ దళం భీకరంగా కనిపిస్తోంది. ఇక గతంలో కూడా భువీ ఆర్సీబీ జట్టుకు ఆడాడు.

క్వాలిటీ ఆల్​రౌండర్
భువీ కంటే ముందు ఆర్సీబీ కృనాల్ పాండ్యను జట్టులోకి ఆహ్వానించింది. రూ.2కోట్ల బేస్ ప్రైజ్​తో వేలంలోకి వచ్చిన కృనాల్​ను ఆర్సీబీ రూ.5.75 కోట్ల భారీ ధరకు కొనుగోలు చేసింది. మ్యాచ్​లో కీలక సమయాల్లో బ్యాటింగ్, బౌలింగ్ చేయగల సామర్థ్యం పాండ్య సొంతం. గతంలో కృనాల్ మంబయి ఇండియన్స్, లఖ్​నవూ సూపర్ జెయింట్స్​ జట్ల తరఫున రాణించాడు. దీంతో నలుగురు ఫాస్ట్, ముగ్గురు స్పిన్నర్లతో ఆర్సీబీ బౌలింగ్ విభాగం పటిష్ఠంగా కనిపిస్తోంది. అటు బ్యాటింగ్​లో విరాట్ కోహ్లీ, ఫిల్ సాల్ట్, జితేశ్ శర్మ, లియామ్ లివింగ్ స్టోన్​లాంటి స్టార్లతో బలంగా ఉంది.

" 𝙒𝙚'𝙫𝙚 𝙜𝙤𝙩 𝙖 𝙗𝙤𝙬𝙡𝙞𝙣𝙜 𝙪𝙣𝙞𝙩 𝙩𝙝𝙖𝙩'𝙨 𝙙𝙚𝙛𝙞𝙣𝙞𝙩𝙚𝙡𝙮 𝙫𝙚𝙧𝙮 𝙥𝙤𝙩𝙚𝙣𝙩." 🔥

watch dk breaking down how the addition of ace indian bowler bhuvneshwar kumar strengthens our bowling attack, making it rock solid. 🙌#PlayBold #ನಮ್ಮRCB #IPLAuction… pic.twitter.com/TJxfwLFIYz

— Royal Challengers Bengaluru (@RCBTweets) November 25, 2024

ఆర్సీబీ బౌలింగ్ విభాగం

• భువనేశ్వర్ కుమార్
• జోష్ హేజిల్​వుడ్
• యశ్ దయాల్
• రసిక్ ధార్
• కృనాల్ పాండ్య
• సుయాశ్ శర్మ
• టిమ్ డేవిడ్

ఇప్పటివరకు వేలంలో కొన్నది వీరినే

జోష్ హేజిల్‌వుడ్‌	రూ.12.50 కోట్లు
ఫిల్‌ సాల్ట్‌	రూ.11.50 కోట్లు
జితేశ్‌ శర్మ	రూ. 11 కోట్లు
లివింగ్‌స్టన్‌	రూ. 8.75 కోట్లు
రసిక్‌	రూ. 6 కోట్లు
సుయాశ్ శర్మ	రూ. 2.60 కోట్లు
కృనాల్ పాండ్య	రూ.5.75 కోట్లు
భువనేశ్వర్ కుమార్	రూ.10.75 కోట్లు
స్వప్నిల్ సింగ్	రూ. 50 లక్షలు
రొమారియో షెపర్డ్	రూ. 1.5 కోట్లు
టిమ్ డేవిడ్	రూ. 3 కోట్లు