పశ్చిమగోదావరి జిల్లా
రెబల్ స్టార్ ప్రభాస్ జన్మదినం సందర్భంగా పశ్చిమగోదావరి జిల్లా జంగారెడ్డిగూడెంలో అభిమానులు రక్తదాన శిబిరాన్ని ఏర్పాటు చేశారు. పలువురు రక్తదానం చేశారు. అనంతరం కేకు కోసి సంబరాలు చేసుకున్నారు. తమ అభిమాన కథానాయకుడు పిలుపుమేరకు ప్రతి ఏడాది రక్తదానం చేస్తున్నట్లు అభిమానులు తెలిపారు.
అనంతపురం జిల్లా
అనంతపురం జిల్లా పెనుకొండ మండలం కురుబవాండ్లపల్లి గ్రామంలో సినిమా నటుడు ప్రభాస్ పుట్టినరోజును అభిమానులు ఘనంగా నిర్వహించారు. గ్రామానికి చెందిన యువకులు తమ అభిమాన హీరో ప్రభాస్ పుట్టినరోజు సందర్భంగా కేక్ కోసి శుభాకాంక్షలు తెలియజేశారు. అనంతరం చిన్నారులకు కేకు పంచిపెట్టారు. ఈ కార్యక్రమంలో ప్రభాస్ అభిమానులు, గ్రామస్థులు పాల్గొన్నారు.
విజయవాడ
విజయవాడ గ్రామీణ మండలం నున్న కోటగట్టు సెంటర్లోని త్రీ సెంటర్లో సినీ నటుడు ప్రభాస్ ఫ్లెక్సీని గుర్తుతెలియని వ్యక్తులు కాల్చారు. ప్రభాస్ అభిమానులైన పలువురు చిన్నారులు ప్రభాస్ జన్మదినం సందర్భంగా ఫ్లెక్సీ ఏర్పాటు చేశారు. ఫ్లెక్సీని కాల్చిన వారిని గుర్తించాలని చిన్నారులు, స్థానికులు డిమాండ్ చేశారు. పోలీసులకు సమాచారం అందించారు.
ఇదీ చూడండి. పెరిగిన భూగర్భ జలాల మట్టం... బోరుబావిలో పొంగుతున్న నీరు
