విశాఖ జిల్లా డుంబ్రిగూడ మండలం కించుమండలో గిరిజనులు ఆందోళన చేశారు. మెటల్ క్వారీ నిర్మాణానికి గ్రామసభ నిర్వహించడానికి వచ్చిన అధికారులకు సీపీఎం ఆధ్వర్యంలో కింసుమండ, కంబవలస గిరిజనులు నిర్మాణాలు చేపట్టవద్దంటూ నినాదాలు చేశారు. బోడిగాపుట్ నుంచి అరకువ్యాలీ, బల్లుగూడ వరకు 35 కి.మీ జాతీయ రహదారి నిర్మాణానికి... రూ 197 కోట్లతో ఓ కాంట్రక్టర్ టెండర్ వేశాడు. రహదారి కోసం మెటల్ రాళ్ల కోసం రెండు గ్రామాల సరిహద్దుల్లోని బండరాళ్లపై అతని కన్నుపడింది. మెటల్ క్వారీ తవ్వకాల వలన రెండు గ్రామాలకు చెందిన భూములను గిరిజనులు కోల్పోతారని సీపీఎం ఆందోళన వ్యక్తం చేసింది. క్వారీ వలన దుమ్ము ధూళితోపాటు, బ్లాస్టింగ్ వల్ల గిరిజనులు తీవ్రంగా నష్టపోతారని నాయకులు వాపోయారు. తవ్వకాలకు అనుమతి ఇవ్వకుండా అధికారులు చర్యలు తీసుకోవాలని గిరిజనులు కోరుతున్నారు.
ఇదీ చూడండి. కొనసాగుతున్న అల్పపీడనం...రాష్ట్రంలో పలుచోట్ల వర్షాలు
