విశాఖ పోలీస్ పెరేడ్ మైదానంలో స్వాతంత్య్ర వేడుకలు ఘనంగా జరిగాయి. రాష్ట్ర పర్యాటక శాఖ మంత్రి ముత్తంశెట్టి శ్రీనివాసరావు ముఖ్య అతిధిగా పాల్గొని జాతీయ జెండా ఎగురవేసి వందనం చేశారు.
జిల్లాలోని నర్సీపట్నం సబ్కలెక్టర్ కార్యాలయంలో స్వాతంత్ర వేడుకలు ఘనంగా నిర్వహించారు. ఈ మేరకు సబ్ కలెక్టర్ మౌర్య జాతీయ పతాకాన్ని ఆవిష్కరించి గౌరవ వందనం చేశారు. 74వ స్వాతంత్ర దినోత్సవాన్ని పురస్కరించుకుని దేశాభివృద్ధికి రాష్ట్రాభివృద్ధికి అందరూ కృషి చేయాలని సబ్ కలెక్టర్ పిలుపునిచ్చారు
గొలుగొండ మండలం కృష్ణదేవిపేటలోని అల్లూరి స్మారక మందిరం వద్ద జిల్లా సీపీఎం ఏఐవైఎఫ్ తదితర సంఘాల నాయకులు అల్లూరు విగ్రహానికి పూలమాలలు వేసి నివాళులర్పించారు.తూర్పుకోస్తా రైల్వే వాల్తేర్ డివిజన్లో 72వ స్వాతంత్య్ర దినోత్సవాలు నిరాడంబరంగా జరిగాయి. రైల్వే స్టేషన్ ప్రాంగణంలో వాల్తేర్ డీఆర్ఎం చేతన్ కుమార్ శ్రీ వాస్తవ్ జాతీయ జెండాను ఎగురవేశారు. అనంతరం రైల్వే ప్రోటాక్షన్ ఫోర్స్ (ఆర్పీఎఫ్) నుంచి గౌరవ వందనం స్వీకరించారు.
ఎన్టీఆర్ భవన్లో స్వాతంత్య్ర వేడుకలు నిరాడంబరంగా జరిగాయి. అర్బన్ జిల్లా అధ్యక్షుడు, ఎమ్మెల్యే వాసుపల్లి గణేష్ కుమార్
జాతీయ జెండాను ఎగురవేశారు.
సాగర తీరంలో యుద్ధ స్మారకం విక్టరీ యట్సీ వద్ద స్వాతంత్య్ర సమర వీరులకు, అమర జవాన్లకు తూర్పు నౌకాదళం నివాళులు అర్పించింది. వైస్ అడ్మిరల్ కాళిదాసు శ్రీనివాస్ పుష్ప గుచ్చలను సమర్పించి నివాళులు అర్పించారు.
స్టీల్ ప్లాంట్ మైదానంలో ప్లాంట్ సీఎండీపీ.కె.రథ్ జాతీయ పతాకాన్ని ఎగుర వేశారు. దువ్వాడలోని విశాఖ స్పెషల్ ఎకనామిక్ జోన్ ప్రధాన కార్యాలయంలో స్వాతంత్ర వేడుకలు ఘనంగా నిర్వహించారు. విఎస్సీజెడ్ డెవలప్మెంట్ కమిషనర్ ఆర్ ఎమ్రెడ్డిజాతీయ జెండాను ఆవిష్కరించి వందనం చేశారు.
ఇదీ చూడండి
