విశాఖలో అక్రమ కట్టడాల తొలగింపు

విశాఖ నగరంలో అక్రమ కట్టడాల తొలగింపు ప్రక్రియ మూడో రోజూ కొనసాగుతోంది. నోటీసులు జారీ చేసినా స్పందించని వారి జాబితా ప్రకారం కాంక్రీట్ భవనాలను తొలగిస్తున్నారు.

విశాఖ నగరంలో 182 అక్రమ కట్టడాలను అధికారులు గుర్తించారు. జోన్లవారీగా వాటి తొలగింపు ప్రక్రియ చేపట్టింది జీవీఎంసీ. గతంలో ఇచ్చిన నోటీసులకు స్పందించని వారి జాబితా సిద్ధం చేసుకుని ఏడు జోన్ల పరిధిలో నిర్మాణమైన అక్రమ భవనాలను కూల్చివేస్తున్నారు. ఖాళీ ప్రదేశాల్లో వెలసిన అక్రమ షెడ్ల తొలగింపులో భాగంగా జయభేరికి చెందిన షెడ్లను కూడా తొలగించారు. జివిఎంసీ మంజూరు చేసిన ట్రాన్స్​ఫర్ బుల్ డెవలప్​మెంట్ రైట్ (టిడిఆర్) లు ఉన్న వాటిని పరిశీలిస్తున్నారు. ఈ విషయంపై స్పష్టత వస్తే మరిన్ని భవనాలను నేలమట్టం చేసే అవకాశం ఉంది.