చోడవరం ఎమ్మార్వో కార్యాలయంలో వినూత్నంగా వినతుల స్వీకరణ
విశాఖ జిల్లా చోడవరంలో ఏ ప్రభుత్వ కార్యాలయానికి వెళ్లినా గేట్లు తాళాలు వేసి... తాళ్లు కట్టి ఉంటున్నాయి. ఇదంతా.. కరోనా వలనే. ఎందుకంటే చోడవరంలో కరోనా పాజిటివ్ కేసులు రోజురోజుకు పెరుగుతుండటంతో... ప్రభుత్వ ఉద్యోగులు ముందస్తు జాగ్రత్తగా.. ఈ చర్యలు చేపట్టారు. తహసీల్దార్ కార్యాలయం వద్ద గేటును మూసివేసి అక్కడ ఓ బాక్సును ఏర్పాటు చేశారు. కార్యాలయానికి వచ్చే ఎవరైనా వినతి పత్రాలు ఆ బాక్సులోనే వేసే విధంగా చర్యలు తీసుకుంటున్నారు. అత్యవసరమైతే తప్ప.. కార్యాలయానికి ఎవరూ రావొద్దని అధికారులు విజ్ఞప్తి చేస్తున్నారు.
ఇదీ చదవండి: చోడవరంలో పెరుగుతున్న కరోనా కేసులు.... ఆందోళనలో ప్రజలు
