infant in bushes: పొదల్లో అప్పుడే పుట్టిన ఆడ శిశువు

ఏమైందో ఏమో..అప్పుడే పుట్టిన ఆడశిశువును తల్లే పడేసిందో..లేక ఎవరైనా తీసుకొచ్చి పడేశారో తెలీదు కానీ.. ఆ పాప పొద్లలో కనిపించింది. ఈ ఘటన శ్రీకాకుళం జిల్లా నరసన్నపేట మండలం కంబకాయ సమీపంలో జరిగింది. స్థానికులు ఆ చిన్నారిని ఆసుపత్రికి తరలించారు.

శ్రీకాకుళం జిల్లా నరసన్నపేట మండలం కంబకాయ గ్రామం సమీపంలో ఆర్అండ్​బీ రోడ్డు పక్కనే పొదల్లో బుధవారం ఉదయం అప్పుడే పుట్టిన శిశువును స్థానికులు గుర్తించారు. కంబకాయ, గుండు వలస గ్రామాల నడుమ రోడ్లు భవనాల శాఖ రహదారి పక్కనే పొదల్లో గుర్తుతెలియని వ్యక్తులు ఓ ఆడ శిశువును విడిచి వెళ్లారు. రక్తపు మరకలతో ఉన్న ఆ పాప ఏడుపు చూసి అటుగా నడిచి వెళుతున్న వారు గుర్తించారు. వెంటనే ఆ చిన్నారిని నరసన్నపేట ఆసుపత్రికి తరలించారు. ఆ తర్వాత మెరుగైన చికిత్స కోసం శ్రీకాకుళం హస్పిటల్​కు పంపించారు.

ఇదీ చూడండి.