నెల్లూరు జిల్లాలో పొగాకు రైతుల ఆందోళన

నెల్లూరు జిల్లా మర్రిపాడు మండలం డీసీ పల్లిలో పొగాకు రైతులు జాతీయరహదారిపై బైఠాయించారు. కొనుగోలు కేంద్రంలో పొగాకు వేలం నిలిచిపోవడంతో ఆగ్రహం వ్యక్తం చేశారు.

నెల్లూరు జిల్లా మర్రిపాడు మండలం డీసీ పల్లిలో ఉద్రిక్తత చోటుచేసుకుంది. కొనుగోలు కేంద్రంలో పొగాకు వేలం నిలిచిపోవడంతో..... రైతులు జాతీయరహదారిపై బైఠాయించారు. తర్వాత పొగాకు బేళ్లను తగుబెట్టారు. దీంతో పోలీసులు రైతులను అడ్డుకున్నారు. ఈ క్రమంలో రైతులకు, పోలీసులకు మధ్య తీవ్ర వాగ్వాదం చోటుచేసుకుంది. వేలం కేంద్రానికి పొగాకు తీసుకువచ్చామని, అయితే కొనుగోలు నిలిపేసినట్లు అధికారులు చెప్పారంటూ రైతులు ఆగ్రహం వ్యక్తంచేశారు. గిట్టుబాటు ధర దక్కకడం లేదని ఆవేదన వ్యక్తంచేశారు.

ఇదీ చదవండి: