కర్నూలు జిల్లా పాణ్యం వద్ద ఆవుల మందపై టిప్పర్ దూసుకెళ్లింది. ఈ ప్రమాదంలో 6 ఆవులు మృతి చెందగ... 4 ఆవులకు తీవ్ర గాయాలయ్యాయి. గడివేముల మండలం ఎల్కే తండాకు చెందిన వెంకట స్వామి నాయక్ ఆవులను మేపడానికి పాణ్యం మండలం పిన్నపురానికి వెళ్లాడు. అక్కడి నుంచి సిరువెళ్ల మండలం గోవిందపల్లెకు ఆవుల మందను తోలుకొని జాతీయ రహదారిపై వెళ్తుండగా పాణ్యం వద్ద అతివేగంగా టిప్పర్ మందపైకి దూసుకొచ్చింది. పాణ్యం పోలీసులు సంఘటన స్థలాన్ని పరిశీలించారు. ప్రమాదానికి కారణమైన టిప్పర్ ను డ్రైవర్ అక్కడే వదిలి పారిపోవడంతో వాహనాన్ని పోలీస్ స్టేషన్ కు తరలించారు. రహదారి పై మృతి చెందిన ఆవులను తొలగించి వాహనాల రాకపోకలను పునరుద్దరించారు. బాధితుడు ఇచ్చిన పిర్యాదు మేరకు కేసు నమోదు చేసినట్లు ఎస్సై రాకేష్ పేర్కొన్నారు.
ఇదీ చదవండి:
